Македонија
Сопот: Бајрами контактирал со кумановската полиција за време на експлозијата
Рамадан Бајрами, сведокот врз основа на кои беа обвинети 11 негови сожители во случајот Сопот ден пред и на самиот ден на експлозијата контактирал со некого од кумановската полиција.
Доказ за тоа е листингот од разговорите на Рамадан Бајрами кој покажува дека два телефонски броеви со кои Барјами остварил 4-5 повици во времето на поставувањето на мината од која во 2002 г. Загинаа НАТО војници се службени броеви на СВР Тетово. „Интересни се два телефонски броеви со 4-5 повици од страна на Бајрами дента пред, на самиот ден и денот по експлозијата. Двата телефонски броеви во тоа време биле во сопственост на МВР“, изјави Виктор Божиновски, поранешен адвокат на дел од обвинетите во случајот Сопот.Тој денеска до работното тело во Собранието на РМ за расчистување на случајот го достави листата на телефонските разговори кои ги имал клучниот сведок Бајрами во времето на инцидентот.Божиновски остава на собраниското тело да утврди кој е службеникот од СВР Куманово со кој контактирал Бајрами.Пред пратениците тој на затворената седница на работното тело укажал и на други недоследности во постапката, особено на тоа дека во судскиот предмет за случајот Сопот имало и полициски записник од кој се гледа дека Бајрами го дал својот исказ, за кој подоцна самиот тврди дека е даден под прислиа, пет дена откако е приведен во полиција.„Се поставува прашањето зошто не обвинет самиот Бајрами“, изјави Божиновски.Пред собраниското тело денеска се појавија адвокатите на обвинетите. И Божиновски и Луман Лимани, државен советник во Министерството за правда, а тогаш адвокат во случајот, потврдија дека контроверзната пресуда на основниот суд во Куманово за овој случај е донесена само врз основа на сведочењето на Бајрами, а не и врз другите материјални докази. Претходно беше сослушан тогашниот амбасадорот на НАТО Николас Бигман.Телото, според најавите на пратеникот Тахир Хани извештајот за Сопот ќе биде готов до крајот на месецот.„Останува разговорот со МВР и службено лице од таму кое ќе ни дозволи увид во списите во предистражаната постапка“, изјави Хани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.