Македонија
Во Скопје 7-годишно дете претепано на смрт
Седумгодишно момче со удари со предмет е претепано до смрт вчера доцна вечер во куќата во скопската населба Драчево, информира Министерството за внатрешни работи
Според првичните информации, 7-годишниот Селмир Џановиќ кој живеел заедно со мајка му, браќата и сестрите вчера околу 23 часот неколкупати бил удрен со непознат предмет во главата, при што му биле нанесени смртни повреди. Полицијата се сомнева дека 29-годишната мајка Сузана е вмешана во претепувањето на детето. Таа и 49-годишниот С.Н. сопственик на куќата каде семејството Џановиќ живееле под кирија, го однеле во поликлиниката Драчево, но веќе било предоцна, лекарите само ја потврдиле смртта на момчето.Од МВР велат дека мајката е приведена и со неа ќе биде разговарано во текот на денов. Но, се уште немаат точни информации дали 7-годишното момче било удирано само од мајката или пак заедно со некој друг го претепале до смрт.Сузана, која е по потекло од Сараево, Босна и Херцеговина, привремено живеела во куќата на улицата Таки Даскалот во скопската населба, со нејзините четири деца на возраст од 10, 5 ,2 години, како и починатото 7-годишно момче. Мајката, за која постојат сомневање дека го убила синот, е во очекување и на петтото дете.Полицијата го известила и Центарот за социјални работи, кои треба да се погрижат за останатите деца од семејството Џановиќ додека мајката е во полиција.Од „Меѓаши“ ја потврдуваат загриженоста и бројните реакции за поефикасна акција од страна на Центрите за социјална работа, да имаат увид во дисфункционални семејства и семејства во ризик, да вршат надзор на вршењето на родителското право, да преземаат мерка на привремено одземање родителско право додека односите во семејството не се доведат во релации кои ќе им гарантираат на децата сигурност и заштита – која како родителска одговорност е приоритет. Центрите за социјална работа го одземаат родителското право дури кога ќе настанат тешки повреди и последици по децата.Првата детска амбасада во светот „Меѓаши“ апелира за навремени и соодветни реакции на Центрите за социјална работа кои се неопходни за заштита на многу жтрви на семејно насилство а особено за младите и беспомошни детски судбини.„Меѓаши“ повеќепати досега апелираше и алармираше дека телесното казнување над децата во Македонија е во пораст. Имено, податоците на СОС-телефонот за деца и млади 0800 12222 говорат дека во споредба со 2007 година кога насилството било застапено со 13,4% како проблем со кој децата се соочиле и имале храброст да го пријават е тројно зголемен во 2008 година кога за телесно казнување и сите форми на насилство над децата е застапен со 32,5% од вкупниот број јавувања. Досега на нивниот СОС-телефон во изминатите 16 години се јавиле 17.407 деца и возрасни за одредени проблеми со кои се среќаваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.