Македонија
Есенска акција за расчистување на дивите депонии во општина Бутел
Со расчиситување на улиците „Босна и Херцеговина“ и „Никола Петров Русински“, на потегот од населбата Бутел 2, преку Скопје Север до Визбегово, општина Бутел вчера ја започна есенската акција за чистење на дивите депонии на нејзината територија
Според најавите од општинските власти, во наредните денови ќе се расчистуваат населените места Расадник и Љуботенски Пат, но и секаде каде што ќе бидат регистрирани диви депонии.Акцијата самостојно ја спроведува општина Бутел и во неа се вклучени сезонски работници и механизација – кипер камион и машина за товарање на сметот.„Акцијата се одвива под надзор на општинските комунални инспектори кои ги прават последните предупредувања и опомени до несовесните граѓани. По оваа акција ќе бидат изрекувани највисоките законски казни за фрлање смет, шут и други видови отпад“, истакнуваат од општина Бутел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.