Македонија
Јолевски: Македонија е подготвена за интензивни разговори
Македонија е посветена активно, конструктивно и интензивно да разговара со цел да се најде заемно прифатливо решение кое треба да го зачува идентитетот, дигнитетот и интегритетот на македонските граѓани
Ова му го соопштил македонскиот преговарач, амбасадорот Зоран Јолевски на посредникот на Обединетите нации за прашањето за името, Метју Нимиц во рамки на нивната денешна средба.Амбасадорот Јолевски за Макфакс изјави дека на средбата го запознал медијаторот Нимиц со ставовите на македонската страна по неговиот последен предлог на модифицирани идеи од 7. јули, годинава.Според Јолевски, Македонија е подготвена за изнаоѓање решение околу прашањето за името кое што ќе се базира врз принципите на меѓународното право и евроатлантските вредности.На средбата исто така го пренесов и очекувањето на Македонија дека Грција ќе ја почитува времената спогодба од 1995 година во делот што се однесува на интеграцијата на нашата држава во евроатлантските структури, рече Јолевски. Тој додаде дека почитувањето на преземените обврски од времената спогодба ќе придонесе за создавање поволна атмосфера за решавање на ова прашање.Медијаторот Нимиц го информирал Јолевски за позицијата на Грција по однос на прашањето за името, и ќе останат во постојан контакт.Грчкиот преговарач за прашањето за името амбасадорот Адамантиос Василакис на одвоената средба со Нимиц му пренел дека решението за спорот со Скопје е сложено име со географска одредница за севкупна употреба, а без затворање на ова прашање не е можен почеток на преговорите на Македонија за полноправно членство во ЕУ, јави денеска грчката агенција АНА МПА.„Овие позиции јасно ги соопштуваме за да нема изненадување и недоразбирања“, изјави Василакис, додавајќи дека Атина останува ангажирана во разговорите што се водат со посредство на Светската организација.Василакис ги негираше информациите дека Грција е подготвена на отстапки за да се затвори прашањето за името.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ќе се основа Медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.