Македонија
Нови сообраќајни знаци на градските улици
Во насока на зголемување на безбедноста во сообраќајот, екипите на ЈП „Улици и патишта“, по налог на Градот Скопје, деновиве поставија нови сообраќајни знаци на улиците Христо Татарчев, Народни херои, Огњан Прица, Салвадор Аљенде, Манапо и на булеварот 8 Септември
На улиците Христо Татарчев, Народни херои и Огњан Прица во населбата Кисела Вода се поставени три знаци за обележување пешачки премини. На улицата Салвадор Аљенде е наместен сообраќаен знак за забрането свртување во десно. На булеварот 8. Септември и на улицата Манапо во населбата Карпош поставени се 3 сообраќајни знаци – триаголник.Вертикалната сигнализација минатата недела беше обновена и во населбите Чаир и Ѓорче Петров. Во функција на регулирање на сообраќајот се поставија 8 (осум) сообраќајни знаци и тоа: на булеварот Босна и Херцеговина – 5, на улицата Кемал Сејфула – 1 и на улицата Ѓорче Петров – 2. За заштита од паркирање на возила на паркингот на црквата „Свети Спас“, на улицата Самоилова, екипите на ЈП „Улици и патишта“ во наредниве два дена ќе се постават два сообраќајни знаци, како и 20 столбчиња со висина од 1 метар и ф 100 милиметри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Притвор од 48 часа за две лица кои се задржани по убиството на лекарот во скопска Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.
Македонија
ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови
„Владата на ВМРО-ДПМНЕ ќе спроведе ограничување на маржите на лековите и проширување на позитивната листа за бесплатни лекови“, велат од ВМРО-ДПМНЕ.
„Идната влада ќе имплементира модел за намалување на цените и ограничување на маржите на лековите и медицинската опрема. Народот не смее да го преплаќа лекот.
Ќе се спроведе ревидирање и модернизирање на позитивната листа на лекови со вклучување на најголем дел од основните лекарства кои граѓаните ги користат.
Лековите мора да се издаваат согласно потребите на пациентот, со персонализирана и индивидуализирана терапија. ВМРО-ДПМНЕ има за цел да го крене здравството на сосема ново ниво“, соопшти ВМРО-ДПМНЕ.