Македонија
Писмо на премиерот Груевски до челниците на ЕУ
„Во контекст на билатералниот спор за името со Грција, сакам да Ве уверам дека активно и конструктивно ќе продолжиме со разговорите под покровителство на ОН со цел да се најде заеднички прифатливо решение“, се вели во писмото од четврток на премиерот Груевски до лдиерите на членките на ЕУ
Искажувајќи ги изразите на високо почитување и уважување за помагањето на процесите на интеграција на земјата во Европската Унија, Премиерот Никола Груевски ги информира европските колеги дека усвоената Резолуција за проширувањето на Европската Унија од страна на Европскиот парламент, претставува силна потврда за реформските потфати во Република Mакедонија и силен поттик за продолжувањето со реализација на интегративните цели. Премиерот Груевски коментирајќи го значењето на препораката на Европската комисија за почеток на пристапни преговори за членство на Република Македонија во Европската Унија, потенцира дека истата претставува “обврска и дополнителен мотив за забрзано исполнување на стандардите и критериумите за членство во ЕУ”. Упатувајќи молба за поддршка на препораката на Европската комисија за почеток на преговори за членство, Претседателот на Владата истакнува дека “…овозможувањето на секоја земја-кандидат или потенцијален кандидат да напредува кон членството во ЕУ на индивидуална основа, согласно степенот на исполнување на познатите Копенхашки критериуми за членство, е чекор што директно влијае врз внатрешните реформски процеси од една страна, и ги мотивира останатите држави од Западниот Балкан од друга страна, и истовремено тоа е чекор што води кон комплетирање на Европа”…„.. Свесна за важноста на предизвикот да се промовираат добрососедските односи и регионалната соработка, Република Македонија, исто така, ќе продолжи да биде проактивно ангажирана за унапредување на односите со сите соседи и активно да учествува во иницијативите за регионална соработка. Во контекст на билатералниот спор за името со Грција, сакам да Ве уверам дека активно и конструктивно ќе продолжиме со разговорите под покровителство на Обединетите нации со цел да се најде заеднички прифатливо решение“, пишува Груевски во своето обраќање. Акцентирајќи го фактот дека пред Република Македонија е долг и тежок пристапен процес, но процес што води кон нејзината европска иднина, претседателот на Владата Груевски изразува надеж “дека Европскиот совет во декември 2009 година ќе потврди дека Република Македонија е подготвена да го започне овој историски процес за нашата држава и регионот, одредувајќи датум за почеток на пристапните преговори.”Истакнувајќи го големото значење на продолжетокот на “ширењето на зоната на слободата, демократијата и просперитетот на Европскиот континент”, на крајот на своето писмо Премиерот на Република Македонија, се заблагодарува на досегашната поддршка за евроинтеграциите на Република Македонија и убеденоста дека таа поддршка ќе продолжи и во иднина “во духот на воспоставеното партнерство и взаемната соработка” преку поддршката на препораката на Европската комисија за почеток на преговори за членство на Република Македонија во Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука