Македонија
Јорго Ќука во затвор
Од Министерството за внатрешни работи доцна вечерва потврдија дека бил приведен во затвор ексдиректорот на ОХИС, Јорго Ќука
Адвокатот на Јорго Ќука, Мики Вујиќ, потврди дека неговиот клиент е приведен во затвор, на доотслужување на затворската казна. Ќука беше осуден на 4,5 години затвор поради махинации во ОХИС, а поради лошата здравствена состојба беше во домашен притвор. Против Ќука имаше поднесено повеќе кривични пријави, за обезбвреднување на поранешниот хемиски гигант „Наум Наумовски Борче“, тешки повеќе десетина милиони евра, во кој државата инаку има 52 отсто од капиталот.Во текот на минатите деценија и половина, аферите во кои централна личност беше Јорго Ќука се движеа од отпишување на имотот на претпријатието во поранешните југословенски републики, до аферата со белградска ИЦН Галеника во времето кога со неа ракоовдеше поранешниот српски премиер Милан Паниќ формирајќи заедничка фирма ИЦН Фарм, во која според обвиненија на членови од Управниот одбор на ОХИС пренесол поголем имот на ОХИС.Пред две години Ќука беше притворен под обвинение дека ги оштетил акционерите на компанијата и државата за 54.461.542 денари во полза на Еуростандард банка. Според обвинението, Ќука во 2006 г. како претседател на Управниот одбор на ОХИС ги пречекорил службените овластувања самостојно потпишувајќи одлука врз основа на која 10.660 акции на фабриката во Комерцијална банка ги ставил во залог во Еуростандард за да добие кредит за фирмата ИЦН Фарм.Бидејкји ИЦН Фарм не го вратила кредитот, Ќука и’ овозможил на Еуростандард банка да се стекне со акциите, со што им направил штета на акционерите на ОХИС и на државата, која поседува 51,31 проценти од капиталот на хемиската индустрија. Истрагата пред две години утврди дека, покрај тоа што е претседател на УО и генерален директор на ОХИС, Ќука е и претседател на Надзорниот одбор во ИЦН Фарм и член на УО на Еуростандард банка. При ставањето во залог на акциите се вреднувале по 5.200 денари, но подоцна Еуростандард банка, ИЦН фарм и ОХИС направиле записник во кој цената била 1.000 денари. Врз основа на извод од сметката во Централниот депозитар, вкупната вредност на акциите ја утврдиле на 21.320.000 денари, иако тие на Берзата вределе повеќе. Еуростандард банка ги продала акциите за 59.264.371 денари
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.