Македонија
Милошоски: Верувам дека шпанското претседателство со ЕУ ќе одреди датум за преговори
На денешната 31-ва седница за надворешна политика се обрати министерот за надворешни работи Антонио Mилошоски и даде отчет за она што Министерството го сработи во годинава што изминува и план за идните насоки
Министерот Милошоски зборуваше за надворешната политика на Република Македонија и за приоритетите на кои се работи, како и за проекциите и насоките за 2010 година.„Остваривме дел од агендата за 2009 година. Препораката за отварање на датум за преговори и визната либерализација, се значајни сегменти кои ги остваривме во надворешната политика. Сметам дека со чинот на безвизен режим ќе се доведе до суштинска европеизација“, рече Милошоски.Позитивниот извештај, визната либерализација и децентрализираното управување со помош на ИПА фондовите, се клучните приоритети според Милошоски кои Владата ги остварила во изминатиов период.„Сметам дека со извештајот на Европската комисија ја зацврстивме нашата позиција за приближување кон ЕУ. Верувам дека шпанското претседателство ќе го отвори прашањето за Република македонија и дека ќе одреди датум за преговори“, истакна Милошоски.Министерот Милошоски истакна дека контактите со Шпанија се интензивирани, а дека Министертвото за надворешни работи работи на зацврстување на дипломатските односи со Мадрид.Во врска со одредувањето на датум за преговори и пристапувањето на Македонија кон ЕУ, Милошоски подвлече дека Македонија има политички и административен капацитет. Тој смета дека со засилувањето на мисијата во Брисел, на што во моментов се работи, потпирањето на туѓите искуства, но и на сопствените ќе доведе до што поскоро остварување на макдонската цел.Според Милошоски визната либерализација е силен иструмент во процесот на евроинтеграција.Во врска со спорот со името Милошски смета дека не треба да има разочарување и дека во наредниот период Владата ќе остане посветена на прашањето за името.„Сметам дека дипломатските односи на ниво на амбасади со Грција ќе доведат до подобри услови за разговори во однос на прашањето за името. Ние ќе ја разгледаме секоја иницијатива за продлабочување на билатералните односи меѓу двете земји. Моментално нема никаков прогрес во суштината на позициите на Грција кон Македонија“, подвлече Милошоски.Според Владо Бучковски, пратеник од СДСМ и член на комисијата за надворешна политика изминатава година Милошоски и Владата на република Македонија не постигнале ништо значајно. Тој смета дека ако сака нешто да се промени треба да постои доза на самокритичност.„Се доведовме во безизлезна ситуација, благодарение на политиката на Милошоски. Го изгубивме угледот во меѓународната политика. Ова што ни се случува е со некоја цел“, рече Бучковски.Визната либерализација според него е девалвирање на успехот на повеќе влади.„Покрај неисполнувањето на работата, оваа година ја карактеризира катастрофален извештај на ревизорската комисија и катастрофални пропусти во меѓународната политика“, смета Бучковски.Според него добивањето на позитивниот извештај било подарок со налог, односно со услов.Тој му порача на Милошоски да не го губи времето сега, бидејќи позицијата кон ЕУ и НАТО не е зајакната, туку дека сега повторно се почнува од нула.Бучковски пшотенцираше дека власта не е далеку од опозицијата и го покани Милошоски сите во Собранието заедно да разговараат за ова прашање и да постигнат консензус, затоа што нивните политики се блиску во врска со ова прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.