Македонија
Јанкулоска: Опозициските напади за „полициска држава“ ги сфаќам како рецидив од минатото
Целосна инплементација на новиот Закон за внатрешни работи ќе биде во фокусот на интересот на МВР во 2010 г. Особено внимание ќе биде посветено на новиот концепт кој првпат се воведува со овој Закон, а тоа е системот на кариера, нагласува министерката Јанкулоска, во интервју за МИА
Во однос на обвинувањата кои се појавуваа за милитаризација на земјава, министерката Јанкулоска меѓу другото потенцира дека модернизацијата на полицијата таа ја гледа како обезбедување услови за поефикасно спроведување на законите„Опозициските напади за наводно создавање „полициска држава“ ги сфаќам единствено како рецидив од минатиот систем и непрепознавање на модерните текови во борбата против криминалот, вели Јанкулоска во интервјуто за Македонската информативна агенција МИА.Таа гарантира нулта теолеранција и уште пожестока и бескомпромисна, неселективна борба против организираниот криминал во Новата година. „Навистина сега е малку апсурдно тоа што истите тие што или не гледаа или не сакаа да видат криминал во бројните афери сега се обидуваат преку наводни „експертски мислења“ да прикажат дека сме биле исти. …… Морам да кажам дека тука сме целосно различни, нагласува миностерката. Справувањето со криминалот во сопствените редови, појаснува, е предуслов за враќање на угледот на полицијата. По добиената визна либерализација на Република Македонија и потребата за издавање биометриски пасоши, со создадоа долги редици на шалтерите на МВР за промена на личните документи. За тоа Јанкулоска меѓу другото појаснува дека голем дел од потешкотиите се предизвикани и од техничките карактеристики и капацитетот на системот.„Факт е дека со изменетата ситуација постојниот систем се покажа како недоволен, така што ја повикавме фирмата „Гисеке и Девриент“ со која е склучен 10 годишен договор да предложат решение. Предлогот го очекуваме до крајот на јануари и доколку е прифатлив веднаш ќе пристапиме кон проширвање на капацитетите“, информира министерката за внатрешни работи во интервјуто за МИА.На новинарско прашање дали МВР е доволно транспарентно во своето работење и како гледа на се почестите напади врз новинарите, министерката Јанкулоска нагласува дека го осудува секој притисок врз независното новинарство.„Никој не е безгрешен. Ниту ние, ниту медиумите. Сепак треба да се има доблест и кога ќе се констатира грешката да следува извинување и корекција. Само така се гради партнерство и доверба“, вели во интервјуто, министерката за внатрешни работи Гордана Јанкулоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.