Македонија
Јакимовски и Груевски ќе се разбираат во македонското обвинителство?
Стевче Јакимовски, градоначалник на Карпош и од неодамна член на СДСМ, го „кани“ на соочување премиерот Никола Груевски на неутрален терен во македонското обвинителство, каде двајцата би ја објасниле имотната состојба и приватизацијата на ОКТА
Поставувањето на државното знаме на Република Македонија во општината Карпош и противењето на градоначалникот Стевче Јакимовски и понатаму е последната капка што ја прелева чашата на кавгата меѓу двете најголеми партии.
Денеска, од ВМРО-ДПМНЕ, тврдат дека иако за поставување на знамето имало обезбедена документација од град Скопје, Јакимовски ги спречил да ја завршат работата.
Но, наместо да останат на тоа, ВМРО-ДПМНЕ дополнително прашува за имотната состојба на Јакимовски, како и автомобилот Ауди што почнал да го вози по преминувањето во СДСМ од ЛДП, што се случи пред еден месец.
„Да сакавме да говориме за недомаќинското работење и криминалните тендери за набавка на возила, како што на пример беше оној за набавката на 300 возила во Министерството за внатрешни работи или пак милионските споменици, ќе свикавме и одржевме посебна прес-конференција“, одговара Јакимовски.
Но, тој пак, ја префрла топката кај премиерот Груевски, воедно и претседател на ВМРО-ДПМНЕ и прашува за приватизацијата на ОКТА, која според СДСМ, со амин на Груевски, тогашен министер за финансии, е направена на штета на граѓаните и тоа од 800 милиони долари.
„Бидејќи досега никогаш, ама баш никогаш, не дадовте одговор за Вашата улога во приватизацијата на ОКТА, јас сум подготвен да се соочиме со факти и докази на неутрален терен, нека тоа биде македонското обвинителство – јас за мојата имотна состојба, а Вие за Вашата улога во приватизацијата на ОКТА. Ако сте чист, дали сте спремни да се соочиме,“ праша Јакимовски.
Тој не ја заборави ни фирмата Аналитико АИ, во која работеле, како што тврдеа пред една недела скоро половина членови на Владата и која со приватизацијата на Телеком добила 120.000 евра.
Од ВМРО-ДПМНЕ незадоволни што Јакимовски не одговара на прашањето за Аудито, велат: „Стевчо Јакимовски наместо да одговори на ова едноставно прашање продолжи нерагументирано да напаѓа и да го дискредитира кредибилитетот на ВМРО-ДПМНЕ, се со цел да се допадне и докаже пред раководството на Социјалдемократскиот сојуз“.
„Во 2005-та година ВМРО-ДПМНЕ презентираше доказ, записник од владината седница дека г-динот Никола Груевски не бил воопшто присутен на седницата на Владата кога се донела одлука за приватизација на ОКТА“, рече Александар Бичиклиски на денешната прес-конференција, додавајќи дека не потпишал ништо од договорот за приватизација, но затоа Jакимовски потпишувал анекси од тој договор тврдат од ВМРО-ДПМНЕ.
Бичиклиски, на денешната прес-конференција дополително ги наброја аферите врзани за името на Јакимовски, како додека бил министер за труд и социална политика во владата на СДСМ потпишувал договор за згрижување на бездомници, со невладина организација чие седиште било на адресата нанеговиот дом.
Тој го обвини и дека како градоначалник на општината Карпош само за изградбата на мостот Влајко, биле потрошени рекордни 1. 200.000 евра, а никогаш не профункционирал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.