Македонија
Анкетата за меѓуетничките односи била правена без дозвола
Центарот за меѓуетничка толеранција и бегалци, кој вчера ја запали јавноста со анкетата дека 78 отсто од граѓаните сметаат оти меѓуетничките односи се многу лоши, немал дозвола да прави истражување на јавното мислење и бил регистриран како обично социјално-хуманитарно здружение
Станува збор за невладина организација чија активност згаснала на почетокот од 2008 година, дознава forum.com.mk. Порталот дојде до сознанија дека Центарот веќе две години не функционира. Според податоци од Централниот регистар, во регистарската влошка на Центарот на местото статус стои: неактивен. Неактивна е и сметката на здружението. Центарот за меѓуетничка толеранција вчера излезе со истражување на јавното мислење според кое повеќе од 2/3 од македонските граѓани сметаат дека меѓуетничките односи се на работ на конфликт. На прашањето какви се меѓуетничките односи во земјава моментно дури 78 проценти од анкетираните одговориле дека се многу лоши, наспроти 19 проценти од испитаниците што рекле дека се многу добри. Високи 76 проценти ја знаат и причината за лошите меѓуетнички односи, а на прашањето колку се задоволни од соработката меѓу етничките групи 71 отсто одговориле дека не се задоволни. Димовски вчера за една национална телевизија тврдеше вакви бројки за состојбите во меѓуетничките односи покажувале само истражувањата пред конфликтот во 2001 г.„Показателите се дека меѓуетничките односи… се на такво ниво што многу брзо може да ескалираат“, изјави вчера Владо Димовски на една национална телевизија како претставник на невладината организација.
>> Меѓуетничките тензии ги загреваат и политичарите
Тој тврди дека анкетираните како причина за лошите меѓуетнички односи наведувале примери како тоа дека Албанците ги револтира што нема да има џамија на плоштадот, или дека им пречи и што македонските ученици не учат албански, Ромите, пак, повторно се изјаснувале дека се чувствуваат како граѓани од втор ред, а на сите им пречело сквернавењето на верски објектиНа ваквата оцена на Димовски денес реагираа повеќе политички аналитичари и социолози. Оценуваат дека меѓуетничките односи се добри и покрај повеќе актуелни проблеми како што се Енциклопедијата, македонскиот јазик за Албанчињата првоодделенци и изградбата т.е. незиградбата на верски објекти на плоштадот.„Нема никакви индикатори дека меѓуетничките односи се такви какви што се опишани во таа анкета“, вели Владимир Божиновски, политиколог во Институтот за демократија.Народниот правобранител Иџет Мемети пак побара сите да се воздржуваат од активности кои можат да ги разгорат меѓуетничките страсти.„Во мултиетничките општества најранлив сегемент во општеството се мултиетничките односи. Затоа сите, почнувајќи од инстититуцијата Омудсман, другите органи, па и граѓаните треба да се воздражт од секакви провокации. Треба да се воздржат од однесувања кои и те како можат да креваат тензии, а кои тензии после тоа можат да создадат и конфликти“, изјави Мемети.Постојат сомневања и во релевантноста на анкетата и за тоа кој ја направил.„Нема да коментирам анкети од Димовски, оти не заслужува“, кусо ни изјави социологот Ило Трајковски.Центарот за меѓуетничка толеранција и беглаци за прв пат е регистриран во текот на 2000 г. Како претседател, во регистарската влошка е наведен Шаип Јашари. Во делот на сопственоста пишува дека се работи за здружение со недефинирана сопственост. Димовски, кој е потпишан на анкетата се води како генерален секретар. Невладината организација е регистрирана на домашна адреса на Димовски во Скопје, а и телефонот кој е запишан како контакт е исто така домашен. На него претпладнево ни се јави неговата ќерка. Таа ни објасни дека Димовски до 16 часот е на работа. Ни го даде мобилниот телефон на татко и’. На тој број се јавува жена која тврди дека бројот одамна не е на Димовски.Димовски последен пат во јавноста се појави пред две години, како претставник на Балканскиот инвестициски фонд кој финансираше проект во Сопиште.Освен дека сондажата на јавното мислење е спроведена на репрезентативен примерок од над 6.500 граѓани од различни етнички заедници во повеќе од 26 населени места низ Македонија, нема други податоци за методологијата на која е спорведена анкетата, кои прашања се поставувани и дали се работи за телефонска или пак, теренска анкета.Во Македонија регистрирани и релевантни за анкети и јавни мислења регистрирани се неколку институти и организации меѓу нив Прима Галуп, Институтот за демократија и Агенцијата Рејтинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Имало информации дека Израел го нападнал Иран, меѓутоа сѐ уште не се потврдени
САД денеска препорачаа до своите граѓани да не ги напуштаат Тел Авив и главните центри на Израел поради можни напади, а не е исклучена можноста и македонското МНР да упати порака за претпазливост до нашите државјани таму.
„Во текот на денот и ние ќе ги информираме нашите граѓани иако постојано сме во комуникација со оние што се таму“, изјави министерот за надворешни работи, Бујар Османи.
Како што рече, нема нови пријави од наши граѓани што се наоѓаат во Израел и во регионот на Блискиот Исток за евентуална евакуација.
По објавата на западните медиуми дека Израел утрово го нападнал Иран, Османи изјави дека постојано се следи состојбата, а утринава повторно разговарал со нашиот амбасадор во Израел.
„Имало некои информации дека во текот на ноќта Израел го има нападнато Иран, меѓутоа сѐ уште не се потврдени и затоа не ве информирав во врска со ова прашање. Меѓутоа, тоа се информациите од утринскиот разговор што го имав со нашиот амбасадор, но немаме барање ниту преку СОС-телефонот ниту преку нашата Амбасада за евакуација“.
Сите државјани што имаат потреба од евакуација може да стапат во комуникација со нашата Амбасада во Тел Авив на дежурниот телефон 972 549 267 378, како и СОС-дежурните телефони на МНР – 075 273 732 и 075 268 376 со цел подготовки за евентуална евакуација.
Македонија
Османи со конкретен акциски план за оддржлив економски раст на Северна Македонија
Кандидатот за претседател на Европскиот фронт, Бујар Османи, со конкретен акциски план за економски раст на Северна Македонија преку постигнување национален конзензус и формирање национален совет во серијата средби со разни фактори на државата тој реализира средба со претставници на Стопанската комора на Северна Македонија.
„Ќе предложам како Претседател на државата да се создаде национален совет за економски раст, со кој ќе претседава Претседателот како креатор на државен консензус а во кој ќе учествуваат поголемите политички партии од двете етнички заедници, но и претставници на заедниците под 20 %, регулаторите, бизнис заедницата, синдикатите, Организацијата на потрошувачите, Академијата, невладините организации и останатите интересни групи, како еден вид на државен управен борд, со цел постигнување на државен консензус по однос на клучните параметри и регулативи за еден забрзан и оддржлив развој“, презентира Османи дел од својата визијата за земјата.
„Овој борд или овој национален совет би имал пет работни групи: една за ефикасна администрација, ефикасни институции и професионална администрација, втора за оддржливи финансии, третата работна група за дигитализација, четврта за човечки капитал и петта, за инфраструктура. Во секоја од работните групи покрај експертите од чинителите кои што ги спомнав, би имало и меѓународни експерти и би имало наши претставници од дијаспората кои што се интегрирани во нивните општества со цел да се пренесат нивните искуства. Овие работни групи ќе предложат политики, закони, регулативи, параметри до овој национален совет, овој државен совет за постигнување државен консензус, кој што ќе ги одобри. Очекувам во првите шест месеци да се направи првиот предлог. Тогаш политичките партии ќе ги усвојат тие закони и тие регулативи, без расправа. Владата заедно со опозицијата ќе ги имплементира и ќе ги мониторира“, истакна Османи.
Според Османи, нашата економија е жртва на постојаните циклички политички кризи, а со преговорите со Европската Унија, земјата, покрај државниот консензус за ЕУ, мора да има и економски државен консензус во однос на општите параметри.
“Дали групата за оддржливи финансии ќе предложи дефицитот да не биде повеќе од 3 % и тоа ќе биде усвоено од страна на овој борд, што значи и од позицијата и од опозицијата и од чинителите, тогаш секој мора да го почитува и без расправа тоа да го имплементира. Ако надворешниот долг не треба да биде над 60% сите чинители ќе го почитуваат тоа. Исто како што е со регулативите и директивите на ЕУ, тие се фиксни, тие не се преговараат, тие само се имплементираат. Затоа сметам дека оваа ќе биде еден нов квалитет во постигнување на еден оддржлив и забрзан раст” заклучи Османи.
Преку изборната програма, Декалогот на Европскиот претседател, Османи предвидува и директно учество на Претседателот во пет надворешно-политички иницијативи, во кои заедно со бизнис заедницата ќе ги претстави економските потенцијали на државата надвор од земјата.
Македонија
Богојески: Хејтери во политиката ми го злоупотребуваат прекарот Бунтур наследен од прадедо ми од Илинденското востание
Колку време трае кампањата за претседателските, а сега и за парламентарните избори, толку време сум цел на напади и говор на омраза од политичките противници, реагира Петар Богојески, лидер на партијата Македонски концепт, која на претстојните избори е дел од коалицијата „Твоја Македонија“, предводена од ВМРО-ДПМНЕ. Богојески вели дека многумина од политичарите во кампањата му го злоупотребуваат прекарот Бунтур наследен од прадедото.
„Родум сум од Крушево, но малкумина знаат дека сум директен внук по машка линија на Димитар (Миту) Бунтурот, ополченик и борец за ослободување на Македонија во балканските и во Првата светска војна за што е носител на златен Медал за храброст. Внук сум на Петар Богојески-Бунтурот, чие име го носам, учесник во НОБ на Караорман и носител на златен Медал на трудот на Југославија. По мајчина линија, пак, внук сум на првоборецот Кицо Петрески, загинат на Сремскиот фронт, и на Борис Петрески, ранет на истото место. Од таму доаѓа и мојот прекар Бунтур, кој често во јавноста се злоупотребува од хејтери во политиката“, вели Богојески.
Богојески уверува дека нападите нема да го вратат од намерата за рестарт на Македонија по изборите, но нагласува дека не може да ја разбере фрустрацијата на оние што секојдневно го навредуваат на лична основа.
„Кратко истражување на јавниот простор веднаш ги отркива фактите и честите деманти на речиси сите обвинувања. Последните клевети за примање мито за да се вклучиме во коалицијата ‘Твоја Македонија’, создавањето лажни профили со моето име и споделувањето лажни изјави и слично се веќе основа за вклучување на ОЈО во целиот процес. Буквално, освен клевета и навреда, украден ми е личниот идентитет и во мое име се објавуваат лажни изјави, што е кривично дело. Зошто токму јас сум предмет на тие хибридни напади? Кој се плаши од мојата вистинска факторизација на политичката сцена во земјата“, посочи Богојески.
Последната клевета од вицепремиерот и главен активист на ДУИ, Артан Груби, кој ја обвини Македонски концепт за руска партија, Богојески ја оцени како трагикомична. „Тоа веќе е трагикомично, со оглед на јавните прозападни ставови на мојата партија, и тоа години и години. Но, зошто токму ДУИ толку многу се плаши од Македонски концепт? Дали мојата чистота како човек, моето потекло и бескомпромисното поведение на борец за каузата се причина за тој страв кај ДУИ?“, прашува Богојески. Како сопруг и татко на две деца, вели дека не му е сеедно што политичката пресметка со навреди завршува и пред очите на семејството, па јавно прашува дали е тоа нивото на македонската политика или се може и подобро.
ПР-текст