Македонија
Управата за извршување на санкции ги отфрла тврдењата на СДСМ за затворите
Од Управата за извршување на санкции денеска ги отфрлија тврдењата изнесени од СДСМ дека состојбата во затворите е катастрофална, и велат дека тоа се паушални и невистинити податоци.
Тие истакнуваат дека за воспитно поправниот дом Тетово се пласираат непроверени информации со што се загрозува интегритетот на малолетниците.
„На 5 јануари оваа година воспитувачот во разговор со малолетникот се стекнал со сомнеж дека можеби истиот е подложен на злоупотреба од страна на другите малолетници. Веднаш во придружба на воспитувачот и еден надзорник малолетникот е однесен во Универзитетската клиника по хирушки болести “Свети Наум Охридски” и по извршениот преглед од страна на лекарот специјалист е констатирано дека не се најдени никакви траги на злоупотреба врз малолетникот“, објаснуваат од Управата за извршување на санкции.
Тие велат дека се згрозени од спремноста на оваа партија како средство за напад врз неа да ги злоупотреби малолетниците од домот за дневно политички цели.
Тие велат дека според анализата на состојбите во затворскиот систем во Република Македонија констатирано било дека актуеланата Влада презема објекти кои со години не беа реновирани, го едуцирала персоналот и обезбедила соодветна опрема за обезбедување.
„Во периодот 2002-2006 година во времето на СДСМ вкупните капитални инвестиции во затворскиот систем изнесуваа 150 милиони денари за 4 години, додека во периодот 2006-2010 година капиталните инвестиции изнесуваат над 250 милиони денари“, додаваат од Управата за извршување на санкции
Од таму истакнуваат дека во 2010 година се обезбедени дополнителни 114 милиони денари за започнување на изградба на ВПД Тетово и КПД Идризово која се очекува да започне во втората половина на оваа година.
Во овој период според нивните извештаи се вработени 284 нови лица, воглавно во Секторот за обезбедување, Секторот за ресоцијализација и Здравствениот сектор.
„Владата на Република Македонија го усвои физибилити извештајот за изградба и реконструкција на ВПД Тетово, КПД Идризово, Затворот Скопје и Затворот Куманово во вредност од 56 милиони евра, заем од Банката за развој на Советот на Европа и буџетски средства“, укажуваат од Управата.
Во врска со наводите на СДСМ за изградбата на затворот Куманово дека тендерот го добила градежна фирма, тие негираат и велат дека го добила трговска фирма.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се мерка куќен притвор и мерка на претпазливост.
„Врховниот суд ја извести јавноста дека по одржаната јавна седница, Советот за казниви дела донесе решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје, КСЖ-320/24 од 2.4.2024 година, го преиначи на начин што определената мерка притвор против обвинетиот А. Ѓ. ја укина и за обвинетиот определи мерка куќен притвор и мерка на претпазливост“, велат од Врховниот суд.
Претходно денес, бранителот на осомничениот Ѓорчевски, адвокатот Владимир Туфегџиќ, на седницата рече дека решението со кое е продолжена мерката притвор е донесено без доволно образложенија во кои не се наведува ниеден доказ со кој се докажува зошто овој човек би требало да остане во притвор. Дополни дека осомничениот не може да се даде во бегство затоа што важноста на патната исправа му истекла и дека тој активно учествува во истрагата.
Ѓорѓиевски истакна дека е обвинуван за некои работи, кои и ден-денес не ги разбира.
„Бев прикажуван екстремно спротивно од она што сум како родител и татко. Сакам и јас да знам што точно се случува затоа што и јас водев истрага, знам парченца од тие делови. Би сакал да го дочекам моментот кога ќе го дознам идентитетот на тие луѓе, сите се еднакво криви“, рече тој.
Четиринаесетгодишната Вања Ѓорчевска, која беше пријавена за исчезната на 27 ноември, беше пронајдена мртва на 3 декември. За делата грабнување и убиство на свиреп начин првообвинет е Љубомир Палевски-Палчо за кого се чека екстрадиција од Турција. Таткото е осомничен дека помагал во грабнувањето.
Македонија
Висок функционер од НАТО се сретна со Џафери: „Вие сте ценета членка во алијансата“
Џафери – Лапсли: Северна Македонија е ценета членка на алијансата, која посветено ги развива одбранбените капацитети
Техничкиот премиер Талат Џафери вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли, во рамките на неговата посета на Скопје.
Џафери му посака срдечно добредојде на помошникот на генералниот секретар Лапсли и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05 % од БДП во буџетот на одбраната, од кои 30 % се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на алијансата во Романија, во Бугарија и во Латвија, како и во мисијата на НАТО во Косово, КФОР и во операцијата на ЕУ во Босна и Херцеговина, АЛТЕА, земјата дополнително се позиционира и како еден од столбовите на регионалната стабилност.
На средбата двете делегации имаа можност да разговараат за самитот на НАТО во Вашингтон во духот на 75-годишнината на алијансата, како и за актуелните одбранбени планови имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката што земјите членки, вклучително и Северна Македонија, ја даваат за Украина.
Од страна на помошникот на генералниот секретар Лапсли беше истакнато дека Северна Македонија е ценета членка во алијансата имајќи го предвид целокупниот придонес што досега го има дадено. Алијансата е пообединета и посилна од кога било во својата историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.