Македонија
Има ли политички дијалог и политичка култура?
За власта постоењето на политичка критика или политичко соперништво незначи дека не постои политички дијалог, додека пак опозицијата смета дека во земјава ужасно е деградиран политичкиот дијалог.
„Политичката култура и дијалогот: сегашна состојба, последици и решенија“ беше темата на денешната дебата во организација на НВО Цивил. на која присуствуваа претставници од политичките партии, претставници на меѓународната заедница и претставници на граѓанскиот сектор.„Ова дебата денес е најдобриот демант за оние што имаат црно-бела слика за политичкиот дијалог и култура во република Македонија, дека истиот не постои.Јас мислам дека и покрај тоа што може да се каже дека тој не е совршен , и покрај некои недостатоци има солидно ниво на политички дијалог и ниво на политичка култара, која што од година во година сметам дека се унапредува“, истакна министерот за надворешни работи Антонио Милошоски.Клучната институција според Милошоски е каде што политичкиот дијалог треба да продолжи и да биде продуктивен е Собранието на Република Македонија.„Во Македонија денес, во споредба со Македонија од пред пет или десет години имаме посилен и поинтензивен политички дијалог.Политичкиот дијалог и неговиот квалитет немора да бидат негирани или да бидат окфалификувни како непостоечки само затоа што нивниот интензитет има поголема критика и поголема политичка жестина помеѓу главните политички тежи. Тоа е целта на еден политички дијалог. Постоењето на политичка критика или политичко соперништво незначи дека не постои политички дијалог“, рече Милошоски.Според Тахир Хани од ДУИ политичкиот дијалог во Република Македонија е на пристојно ниво.„Како треба да изгледа еден политички дијалог ни покажува имплементацијата на охридскиот договор. Пред охридскиот договор во Република Македонија постоеја длабоки непремостливи контрадикции за меѓуетничките односи. Политичката дебата и политичката култура после договорот мислам дека е многу добар модел за изнаожање и на други политички решенија“, смета Хани.Гордан Георгиев од СДСМ рече дека во Република Македонија постои ниско ниво на политичка култура.„Имаме демократија која е убиена во поим, а тврдам дека политичката култура доажа од највисокото ниво на ешалоните“, истакна Георгиев.Тој смета дека во политичкиот дијалог треба да постои фер договор и да се воведат нови зборови во политичкиот дискурс.Имер Алиу од ДПА пак рече дека тоа што го бојкотираа Собранието со нивното напуштање на парламентарните клупи не значи дека тие излегле од политичката култура и дека ги напуштиле европските вредности.Евроамбасадорот Ерван Фуере укажа дека лидерскиот дијалог е од големо значење за Република Македонија.„Ние сме уверени дека состанувањето на водачите на партиите треба да биде не само во времиња на криза, туку да биде редовен составен дел на демократскиот процес. Ако тоа биде така тогаш ќе добиеме атмосфера на многу помалку конфронтација во општеството. Тоа помага да се обезбеди едно ниво на дијалог кое промовира поотворени релации помеѓу сите политички фактори“, подвлече Фуере.Тој апелираше дијалогот меѓу политичките лидери да се интензивираи ситиот да се согледа како составен дел на нормалниот демократски процес.„Зачестениот дијалог меѓу политичките лидери ќе креира едно многу попозитивно опкружение кое ќе води градење на консензус за постигнување на политичките цели“, уакажа Фуере.Тој заклучи дека од витална важност за остварување на историските цели е консензусот меѓу политичките партии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.