Македонија
Анѓелов ќе преминува кај Љубе Бошковски
Стојанче Анѓелов, претседател на Здружението на припадниците на безбедносните сили „Достоинство“ планира да одземе поголем дел од членовите на здружението и со нив да премине во партијата на Обединети за Македонија на Љубе Бошковски, обвинуваат членови на „Достоинство“.
Според нив, Анѓелов ваквиот план ќе го најавел на редовното годишно Генерално собрание на кое учествуваат најголем дел од членовите на Здружението, а кое е закажано за во недела на пладне.Тврдат дека најголемото здружение кое се бори за правата на припадниците на безбедносните сили е пред распад. Откриваат дека целото членство е поделено во два табора. Едниот табор го предводел Анѓелов кој барал да се премине во партијата на Бошковски, додека другите се незадоволни од ваквиот потег.Анѓелов, пак за forum.com.mk изјави дека врската со Љубе Бошковски е само приватна од времето кога Бошковски беше министер за внатрешни работи, а тој генерал за време на конфликтот во 2001 г. Демантира дека ќе има преминување на членови на „Достоинство“ во Обединети за Македонија.„Немам такви аспирации. Избори ќе нема уште најмалку 2,5 години зошто да добивам политички ангажмани уште сега. Не доаѓа пред вид. Ако тоа го сторам тогаш би бил предавник на членовите, а јас мојот авторитет го црпам од нив“, вели Анѓелов.„Навистина имавме чесни намери да ги оствари своите права како сегашни и поранешни припадници на безбедносните сили и тоа како здружение, а не како членови на партии“, велат незадоволните членови.Тие обвинуваат дека Анѓелов го користи здружението само за лична промоција.Од Обденети за Македонија неофицијално потврдуваат дека имаат контакти со Анѓелов, но дека се уште немаат дефинирано дали тој ќе премине во партијата и ќе добие политички ангажман.Здружението „Достоинство“ брои над 2.000 припадници на безбедносните сили. Здружението беше едно од најгласните против одлуки на Врховниот суд со кои на припадниците на безбедносните сили кои беа повредени за време на конфликтот од 2001 г. и земаа отштета за тоа, истата да ја вратат на државата. Здружението неколку пати, преку поддршка од политички партии и по пат на граѓанска инцијатива се обиде да се донесе и закон за посебни права на припадниците на безбедносните сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.