Македонија
Грос: Загинувањето на Трајковски не е несреќа
Загинувањето на поранешниот македонски претседател Борис Трајковски не е несреќа, тврди швајцарскиот парламентарец Андреас Грос, пренесува Дојче Веле
Во дебатата, што вчера се водеше во Парламентарното Собрание на Советот на Европа, меѓу двете сесии, неколку парламентарци, говорејќи за смртта на полскиот претседател Лех Качински, направиле споредба меѓу смртта на поранешниот македонскиот претседател Борис Трајковски и екс Генералниот Секретар на Обединетите Нации, Даг Хамерскјелд.На ваквата споредба, реагирал парламентарецот Грос.„Ова е деликатно прашање, но потребно е да бидеме храбри и да се занимаваме со храбри прашања. Господинот Ивински на малку несреќен начин направи паралела меѓу смртта на полскиот претседател со таа на претседателот на Македонија и генералниот секретар на ОН“, вели Грос.Според него, паралелата завршува единствено со констатацијата дека станува збор за уривање на авионите.„Во падот на авионите на Хамарскјелд и на претседателот Борис Трајковски има јасни показатели дека тие несреќи не се несреќни случаи. Тоа беа убиства“, констатира Грос.Според него, вината за случајот со смртта на Борис Трајковски „треба да се бара на Запад, а не на Исток, пренесува Дојче Веле.На ова тврдење на швајцарскиот парламентарец, одговори македонскиот пратеник Игор Ивановски.„Сакам да ги оспорам информациите кои ги дава Андреас Грос дека не станува збор за несреќа, туку за убиство на претседателот Трајковски.“ Според Ивановски, ништо не дозволува да се извлече таков заклучок, повикувајќи се тука на извештајот на Андреас Грос, во кој тој заклучи дека станува збор за несреќен случај, иако околу него остануваат отворени и неодговорени многу прашања.Пред околу два месеца, во интервју за Дојче Веле, Грос најави дека ќе се обиде да најде дополнителни информации за смртта на Трајковски преку негови пријатели и врски во Париз, Вашингтон и Брисел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.
Македонија
Спасовски: Минимална пензија од 20.000 денари и просечна пензија од 30.000 денари
Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.
„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски.