Македонија
ЕБОР прогнозираше поголем раст отколку ние самите
Прогнозата на Европската банка за обнова и развој ЕБОР за Македонија е знак дека сме на вистинскиот пат за излез од глобалната криза, смета премиерот Груевски откако вчера беше објавено дека Македонија ќе има најголем економски раст од сите земји во регионот
Најавата на ЕБРД за инвестирање во Македонија со сума од половина милијарда евра во Македонија за премиерот Никола Груевски е знак дека најголемите финансиски институции во светот имаат доверба во земјата. Според Груевски политиките кои се водат во макроекономијата се генерално во добар правец и врз база на доверба која ЕБРД ја имаат во нашата земја, сакаат да инвестираат кај нас.„Од тоа што го знаеме, се работи за инвестиции за патната инфраструктура, железничката инфраструктура, што значително ќе го подобрат квалитетот на живеење во Македонија“, изјави Груевски..
Предвидувањата на Европската банка за обнова и развој (ЕБРД) дека Македонија ќе има најголем раст на економијата од сите земји во регионот, според Груевски е добра вест, а уште подобро е што ЕБРД предвиде и поголем раст од тој што домашните експерти го прогнозираа а спорд него извонредно добра вест е и тоа што ова укажува дека политиката на Владата е на вистинскиот пат за излез од глобалната криза..„Ние прогнозиравме два отсто, а ЕБРД 2.2 процента. Прво добро е што сме блиску а второ добро е што предвидуваат поголем раст отколку што предвидевме. Тоа укажува дека економските политики на Владата се добри и дека сме на вистинскиот пат за заздравување од глобалната криза и добро е кога тоа го потврдуваат меѓународни финансиски институции. Тоа е добра вест која покажува дека ЕБОР прогнозираше поголем раст од самите нас. Тоа е добар сигнал и укажува дека макроекономските политики на Владата се добри и се на вистински пат за заздравување од глобалната криза. Добро е кога тоа го потврдуваат и вакви меѓународни финансиски институции кои имаат одлични служби за следење на состојбите и се голем инвеститор во Македонија. Мене ме радува фактот што ЕБОР дава ваква позитивна оценка и се надевам дека ќе го оствариме предвиденото“, изјави премирот на денешното предавање на новите противпожарни возила за општините во Македонија. Во врска со најавата на ЕБОР и Европската инвестициска банка дека се заинтересирани за финансирање проекти во Македонија во износ од околу половина милијарда евра, шефот на Владата рече дека тоа се должи на довербата што кон македонија ја имаат овие влијателни финансиски индтитуции.„Заинтересираноста е навистина добар сигнал и укажува дека двете главни институционални финансиски институции и банки во Европа имаат доверба во македонската економија што значи дека политиките во макроекономскиот дел и, генерално, во економијата се во добар правец и врз основа на таа доверба тие сакаат да инвестираат поголеми средства во патната и железничката инфраструктура, енергетиката и во други проекти, Тоа значи дека ќе го подобрат квалитетот на живеење во државата и ќе ја зголемат енергетската сигурност во Македонија и укажува дека треба да продолжиме со вакви политики кои влеваат доверба во најголемите светски финансиски институции“, нагласува Груевски во врска со прашањата кои му беа поставени од новинарите во врска со прогнозите што во сабота во Загреб ги обајви ЕБОР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.
Македонија
Нема да има работни саботи за учениците, МОН донесе нова одлука
Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.
Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, велат од МОН.
Од Министерството потсетуваат дека наставната година за учениците од средните училишта трае до 10 јуни, додека за учениците од основните училишта до 17 јуни.
„Потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја“, додаваат од МОН.
Македонија
Со супервештачење ќе се бара вина кај лекарите за родилката од Дебар, која, по породувањето, се врати дома без јајчник, матка и бубрег
Судот нареди да се направи супервештачење за родилката од Дебар, Јалдз Веапоска, на која по породување во струшката болница ѝ беа извадени јајчник, бубрег и матка. Наредбата за супервештачење доаѓа откога судот доби целосно спротивни вештачења од Обвинителството и од одбраната. Вештачењето од Институтот за судска медицина, приложено од Обвинителството, посочи одговорност кај лекарите од струшката болница, а вештачењето нарачано од одбраната, кое го направи вештакот Драге Дабески, заклучи дека лекарите ѝ го спасиле животот на родилката.
„Со супервештачењето верувам дека, конечно,. вистината ќе излезе на виделина и правдата ќе биде задоволена. Вештакот на одбраната не најде лекарска грешка, ме убедува дека со вадење три органи по породувањето со царски рез, ми го спасиле животот иако вештачењето од Судска медицина покажа дека лекарите имаат вина. Јас здравјето не можам да си го вратам, органите ми се извадени и функционирам како половина човек, но очекувам супервештачењето на лекарите да им покаже дека има лекарска грешка и на пациентите да им порачам дека не треба да молчат, треба да се охрабрат и да се борат за вистината“, вели Вепоска за „Макфакс“.
Се пожали дека секое судење дополнително ја исцрпува, а извадените органи ја ограничуваат во мајчинството, во работата и во секојдневниот живот.
„Здравјето целосно ми е нарушено. Освен физички, имам и психички проблеми, се лекувам и од тоа. Особено тешко ги поднесувам судењата, ми треба време да закрепнам од нив. Работам со скратено работно време оти немам сила за осумчасовна работа. Како мајка не можам да им се посветам на децата онака како што треба оти постојано имам здравствени проблеми, еве сега тукушто ја испив терапијата“, рече Веапоска по денешното судење.
Судијата Јодран Јованов, кој го побара супервештачењето, е трет судија што го добива нејзиниот случај откога претхдните двајца се пензионираа. Следното рочиште е закажано за 3 јуни кога Вепоска очекува да биде готово и супервештачењето.
За извадените органи по породувањето со царски рез на Веапоска, обвинети за несовесно лекување се гинекологот Мухамед Асани, кој во 2020, кога беше направено породувањето, беше директор на болницата, син му Блертон Асани и докторката Лилјана Јовановска.