Македонија
Прашањата за безбедноста доминираа во Собранието
Безбедносната состојба во државава која во последниве неколку дена беше нарушена со низа инциденти, беше централаната тема што ја наметна опозицијата во четврток на редовната собраниска седница за пратенички прашања
„Низ Македонија хараат пљачкашки банди како во Сомалија. Дали вие чувствувате лична одговорност, зошто граѓаните денес се небезбедни и незаштитени. Планирате ли да преземете нешто за да овие друмски банди да се тргнат од Македонија? “, пратеникот Јани Макрадули од СДСМ го праша денеска премиерот Никола Груевски.Макрадули рече дека Груевски во изминатава недела не се појавил во јавноста и дека тоа не доликува на одговорен премиер.Тој го потсети премиерот на разбојништвата во менувачници, убиството во Бутел, два обида за убиство во Кисела Вода, убиство во Средно Коњари, кражба на златен накит во Скопје Север, кражба во населба Аеродром, напад и убиство на комбе на Македонија пат, разбојништвата во Карпош, во штедилница Баваг, самоубиство во Идризово, тепачки во Кочани и праша дали е нормална работа да се случат четири убиства во една недела.„МВР го претворивте во бројач на жртви и собирач на чаури. Врвните професионалци ги сместивте во подрумите или планините и поставивте аматери на одговорни функции. Со вашето неодговорно однесување создадовте лажни вредности во МВР“, рече Макрадули.Премиерот Груевски рече дека значаен дел од овие случаи се разрешени, а другите се во фаза на разрешување.„Ако се погледне учинокот на МВР во изминатиот период и според статистиката, покажува висок процент на успех, кој подолго време не е забележан. МВР ќе продолжи со своите активности да се бори да ги реши сите неразрешени случаи“, рече Груевски.Премиерот рече дека иако не се појавил во јавноста си ја вршел својата работа и бил во постојан контакт со министрите.Според податоците што ги Макрадули, личното обезбедување на Груевски претепало малолетник, што премиерот го демантираше квалификувајќи го ова тврдење како чиста шпекуалција. .Меѓудругото пратеникот Макрадули го праша Премиерот и со што го задолжил претседателот на партискиот општински комитет до Гостивар, Сашо Акимовски да го постави на функција раководител.Според него, на трибина во Гостивар еден член од ВМРО-ДПМНЕ му поставил прашање прашање на Груевски зошто до него седи „познатиот криминалец“, Сашо Акимовски.„Знаете ли што му се случи на тој човек? Рекетарите на Акимовски го испотепаа, а министерот Миле Јанакиески го бранеше за да не стане поголема белја. Тоа денеска се случува во Македонија. МВР се уште нема преземено ништо против лицата кои цел Гостивар ги знае, туку го наградивте Акимовски со позиција раководител“, рече Макрадули.Макрадули за овјо случај доде и дека Акимовски наводно бил вработен како одговорен на одделението за финансиска оператива, во службата за финансии на ХЕЦ „Мврово“, иако, како што наглеси, 55 вработени веќе три години чекаат постојано вработување.„Никој не ме задолжил со ништо. Се работи за обично вработување. Секој човек има право да се вработи, се друго се инсинуации дека некој со некого се тепал“, кусо одговори премиерот Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МОН: Во училиштата во кои ќе се одвива изборниот процес наставата ќе се реализира со скратени часови
Наставата во учебната 2023/2024 година ќе се реализира целосно како што предвидуваат плановите за организација на работата на основните и средните училишта. Иако гласањето во рамки на првиот и вториот изборен круг е закажано во работни денови, учениците нема да изгубат од наставата и да пропуштат дел од наставниот материјал, велат од МОН.
Министерството за образование и наука информира дека 23 април и 7 мај, односно деновите пред гласањето ќе бидат работни за сите училишта. При тоа, во училиштата во кои ќе се одвива изборниот процес, наставата ќе се реализира од 7:00 до 11:00 часот, со скратени наставни часови за сите одделенија, односно класови. Во останатите училишта каде не се спроведува гласање, наставата се реализира вообичаено и согласно предвидениот дневен распоред.
Потсетуваат дека наставната година за учениците од средните училишта трае до 10 јуни, додека за учениците од основните училишта до 17 јуни.
Македонија
Мицкоски: Во програмата „Платформа 1198“ предвидени се повеќе од 2 милијарди евра во инфраструктура, 250 милиони евра годишно кон општините, завршување на автопатот Кичево – Охрид
„Повеќе од 2 милијарди евра се планирани да се инвестираат во инфраструктурата. Тука е оној проект кој е многу значаен, а тоа се реалоцирање средства од буџетот кон општините во вредност од 250 милиони евра годишно или за еден четиригодишен мандат тоа би било точно 1 милијарда евра“, истакна претседателот на ВМРО-ДПМНЕ Христијан Мицкоски одговарајќи на новинарско прашање при денешниот увид на градежни активности во поранешната касарна во Охрид.
„Ги повикувам општините, не само онаму каде имаме градоначалници кои доаѓаат од редот на ВМРО-ДПМНЕ и коалицијата туку и оние општини каде има градоначалници од СДСМ, ДУИ, Алијанса на Албанците, БЕСА, но и независни градоначалници да прават проекти бидејќи првиот оглас откако ребалансот на буџетот ќе се случи во јули месец, првиот оглас ќе биде објавен некаде есента септември, за да може да аплицираат за проекти кои ќе бидат важни за граѓаните“, порача Мицкоски.
Тој истакна дека нема да бидат влада само онаму каде има градоначалници од ВМРО-ДПМНЕ, туку влада за сите граѓани.
„Амбицијата ни е во еден момент да се работи на минимум 500 точки, 500 локации на територијата на цела Македонија со што ќе бидат задоволени потребите на граѓаните. Ние нема да бидеме влада само онаму каде има градоначалници од ВМРО-ДПМНЕ и коалицијата, туку сакаме да бидеме влада за сите граѓани и да покажеме дека не се сите политичари исти, да покажеме дека немаме намера да ги делиме граѓаните како тоа што правеше сегашната влада“, вели Мицкоски.
Додаде дека еден од приоритетите е конечното завршување на автопатот Кичево – Охрид.
„Исто така тука се еден од приоритетите и конечно завршување на автопатот Кичево – Охрид. Рековме според нашата анализа тоа би било некаде околу 2026 година, втората половина на 2026 година. Реализација на тековните автопати Тетово – Гостивар, Прилеп – Битола. Многу други проекти поврзани со локалната инфраструктура, железничката инфраструктура, возови, вагони итн., нешто што е дел од програмата „Платформа 1198“, посочи Мицкоски.
Порљача граѓаните детално да ја прочитаат „Платформа 1198“ бидејќи има детално за секого по нешто.
„Цениме дека сето тоа што е таму содржано е возможно да се реализира и ќе го реализираме. Чуда не ветувавме, ние не сме чудотворци, чуда се невозможни, сите оние кои ветуваат чуда не ја говорат вистината. Ве молам прочитајте ја програмата „Платформа 1198“ и ќе го најдете патот како Македонија ќе се развива и ќе биде повторно горда и Македонија ќе биде повторно твоја“, дециден е Мицкоски.
Македонија
Ќе го оставиме срцето на терен за интересот на Македонија, рече Мицкоски и најави позитивна кампања
Ние водиме позитивна кампања, кампања на проекти, кампања на надеж, кампања која ќе ја врати довербата во институциите по шест и половина години многу криминал грабеж на институциите на Македонија, рече претседателот на ВМРО-ДПМНЕ, Христијан Мицкоски кој денеска е во Охрид, а коментирајќи каква кампања ќе води партијата и каква кампања очекува воопшто.
Мицкоски рече дека идејата е да се води кампања со која ќе им се врати надежта на граѓаните.
„Малкумина се граѓани од прв ред, тука пред се мислам на неколкумина од ДУИ и малкумина измеќари од раководството СДСМ, сите други имаат чувство дека се граѓани од втор ред“, вели Мицкоски.
Според Мицкоски тоа е работа која мора да се смени во наредниот период.
„Тоа мора да се смени и по 8 мај да има и одговорност. Желни сме да го оставиме срцето на терен за интересот на Македонија“, кажа Мицкоски.