Македонија
Наумовски: Паралелни преговори за името и за членство во ЕУ
Вицепремиерот за европски прашања, Васко Наумовски смета дека е можно преговорите за името да се водат истовремено со преговорите за членство во Европската унија
Во интервју за неделникот „Форум“, Наумовски изјави дека Владата е свесна дека поради начинот на одлучување во Унијата постои потреба ова прашање да се реши што е можно побрзо. „Токму поради тоа ние продолжуваме да преговараме со цел да најдеме решение, а не да преговараме бесконечно. Сметам дека е можно овие два процеса да течат паралелно, односно – преговорите за разликите околу името да се водат истовремено со преговорите за полноправно члентсво“, изјави Наумовски. Запрашан кога очекува Македонија да добие датум за почеток на преговори со ЕУ, Наумовски одговори дека верува оти тоа е можно и за време на шпанското претседателство. „Секако постои веројатност и на самитот во јуни да не биде определен датумот бидејќи една од државите – членки на ЕУ нема да се согласи со тоа , но без разлика на исходот, нашата ориентација останува непроменета“, изјави Наумовски во интервју за „Форум“. Во меѓувреме од Брисел стасуваат сериозни пораки до македонската Влада што побрзо да го затвори спорот со Грција бидејќи ризикува да остане надвор од агендата на Унијата. Известувачот за Македонија во европскиот парламент, Зоран Талер, вчера предупреди дека постои објективна опасност Македонија да биде симната од дневен ред во ЕУ поради нерешавањето на спорот со името. Талер додаде дека доколку се пропушти оваа шанса, спорот со името би можел да стане замрзнат конфликт кој би бил оставен на следните генерации да го решаваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.