Македонија
Република Македонија има постигнато значителен напредок
Република Македонија покажа напредок во усогласувањето на законодавството и градењето на административните капацитети, во делот на правда, слобода и безбедност и ги исполни одредниците од Патоказот за визна либерализација, е заклучокот од седмиот состанок на Комитетот за стабилизација и асоцијација
На состанокот на Комитетот за стабилизација и асоцијација помеѓу Европската унија и Република Македонија кој траеше два дена (3 – 4 јуни) како што информираат од Секретаријатот за европски прашања биле внимателно разгледани последните случувања во врска со политичките и економските критериуми, како и напредокот на земјата во усогласувањето со правото на Заедницата (acquis).Потсетувајќи дека Комисијата препорача отпочнување на преговорите за пристапување, врз основа на тоа дека земјата во доволна мера ги има исполнето политичките критериуми, Комитетот за стабилизација и асоцијација на состанокот посветил внимание на непосредната цел на земјата за отворање на преговорите за пристапување за време на сегашното претседателство.Комитетот го поздравил постигнатиот напредок во бројните области по добивањето на препорака за преговори, во исто време укажувајќи на продолжување на континуираните напори за да се одржи темпото на реформите.Меѓу другото бил констатиран напредок во областа иновации и информатичко општество и Комитетот ја поддржува Владата за интензивирање на напори за зајакнување на правната рамка и административниот капацитет на полето на социјалната политика и вработување, како и зајакнување на консултациите со заинтересираните страни.Комисијата го охрабрила продолжувањето на напорите на полето на организираниот криминал, особено во однос на интегрираниот систем за разузнавање.Напорите на администрацијата да остане фокусирана на спроведувањето на приоритетите од Партнерството за пристапување и да ја покаже својата целосна посветеност во спроведување на правото на Заедницата биле дел од точките на состанокот. Комитетот ја нагласил важноста од овој процес и процесот на консултации, во кој ќе бидат вклучени сите клучни засегнати страни.Од страна на Република Македонија било побарано итно донесување на Одлуката за преминување во втората фаза на Спогодбата за стабилизација и асоцијација, истакнувајќи дека Спогодбата служи како рамка за целокупните билатерални односи до пристапувањето во ЕУ.Членовите на Комитетот рекле дека во октомври 2009 година, до Советот на ЕУ бил поднесен предлог за преминување во втората фаза на спроведување на Спогодбата за стабилизација и асоцијација.Состанокот се совпадна со почетната фаза од подготовката на Извештајот за напредок за земјата од страна на Европската комисија, кој ќе содржи оцена за исполнувањето на клучните приоритети од Партнерството за пристапување.Со состанокот на Комитетот за стабилизација и асоцијација заврши циклусот на седумте секторски поткомитети согласно Спогодбата за стабилизација и асоцијација (ССА), коишто се одржаа во периодот помеѓу септември 2009 година и април 2010 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица на парламентарните избори ќе настапи со слоганот ,,Неподмитливите во Собранието”
Левица со слоганот ,,Неподмитливите во Собранието” ќе настапи на Парламентарните избори.
Партијата ги објави слоганот и првиот предизборен спот.
Во екот на кампањата за претседателските избори, од денеска официјално стартува и кампањата за изборите за пратеници.
Скопје
Герасимовски: Решен децениски проблем со безбедноста на сообраќајот на улицата ,,Наум Наумовски Борче”
Општина Центар ја отстрани рампата на улицата „Наум Наумовски Борче” кај хотел Дувет, на раскрсницата помеѓу „Ленинова” и „Партизанска” која претставуваше проблем и пречка за функционирање на сите учесници во сообраќајот.
Со овој потег општината го реши деценискиот проблем на барање на жителите, по поднесена петиција во која се потпишаа 327 граѓани. Ова е направено во согласност со ДУП-от и за овој зафат се добиени потребните дозволи од сите надлежни институции.
На улицата се поставени столпчиња за безбедност во сообраќајот и за влегувањето на возилата во подземните гаражи. Со овој зафат се обезбедува пристапна зона која ќе биде проодна и безбедна за граѓаните.
,,Конечно го решаваме долгогодишниот проблем на ваше барање. Улицата станува безбедна за пешаците и за вас жителите. На овој потег постојано се случуваа сообраќајни незгоди и затоа ова моравме да го направиме. Со вадењето на рампата воедно и ја ослободивме улицата од сите пречки поради кои имаше проблеми”, им се обрати Герасимовски на собраните жители.
Општина Центар известува дека улицата ќе биде двонасочна, во широчина од 7 метри, по 3.5 од секоја страна, ќе се отстрани страничната урбана опрема и ќе се намалат надворешните тераси на угостителските објекти долж улицата „Наум Наумовски Борче”.
Со ова исто така ќе се оневозможи дивото паркирање на улицата што претходно претставуваше проблем за пешаците.
Македонија
Пендаровски: Ја вративме слободата, изградивме еднакво општество, имаме силна поддршка од најмоќните демократски држави
Кандидатот за претседател, Стево Пендаровски вчерашниот ден од изборната кампања го заокружи со граѓански митинг во Гостивар.
Пред присутните Пендаровски потсети на резултатите постигнати во изминатите пет години како враќањето на слободата и демократијата, градењето модерно општество на еднакви граѓани и напредокот во евроинтегративниот процес.
Пендаровски посочи дека по членството во НАТО, се случи напредок и во процесот на интеграција кон ЕУ, кој сега е блокиран поради блокадите на ВМРО-ДПМНЕ и нивниот однос кон меѓународните договори што ја гарантираат евроатлантската интеграција на државата.
„Што нуди ВМРО-ДПМНЕ во однос на договорите што нѐ вратија во нормалниот цивилизиран свет? Нудат поништување. Кога ќе ги прашате што после тоа поништување, велат повторно ќе почнеме да преговараме. Имаат ли гаранции дека некој од надвор од големите сили ве поддржува за тоа повторно да го преговарате и да го доведете до исход кој е добар за народот и државата? Немаат. Немаат еден докажан пријател, партнер од големите сили, како што имавме ние. Сите овие договори што ги споменувам и со Грција и со Бугарија и со Европа се направени со огромна поддршка и помош од Америка, од Германија, Франција, од големите меѓународни сили. Тие немаат ниту еден и затоа кога доаѓаат пред вас ви кажуваат дајте ни власт па од 9 мај ќе ви кажеме кои се нашите планови. Тоа е крајно несериозно“ порача Пендаровски.
Затоа, додаде тој, уште на 24 април потребна е масовна мобилизација и заокружување на бројот еден со што напредокот на државата ќе продолжи.
Пендаровски во своето обраќање пред граѓаните порача и дека е крајно време за да се испита потеклото на имот на сите судии и обвинители, но и на политичарите, почнувајќи од него, а оние за кои ќе се утврди дека за време на нивниот мандат несразмерно го зголемиле својот имот прво да ги вратат парите а потоа и да се соочат со затворски казни.