Македонија
Сеуште неизвесно постигнувањето на договор за Деловникот во Собранието
Власта и опозицијата на денешната координација не се договорија за измени на Деловникот за работа на Собранието, и покрај изразениот оптимизам пред два дена од страна на претседателот на Собранието, Трајко Вељановски дека ќе се постигне договор.
Власта и опозицијата на денешната координација не се договорија за измени на Деловникот за работа на Собранието, и покрај изразениот оптимизам пред два дена од страна на претседателот на Собранието, Трајко Вељановски дека ќе се постигне договор.
Опозиционите партии ја напуштија денешната средба свикана од Претседателот на Собранието и побараа формирање на тело за разгледување на ревизорските извештаи и за актуелизирање на надзорните расправи, како и враќање на проектот „Скопје 2014“ и ревизорските извештаи.
Иако само пред два дена спикерот Вељановски рече дека очекува опозицијата и власта да се договорат и измените во Деловникот ќе ги изгласаат до 15 јули,тој на денешната средба со новинарите изрази жалење за како што вели ултимативното однесување на опозицијата.
„Мојата препорака е да не размислуваат партиски бидејќи сметам дека можеме да постигнеме договор за Деловникот“, рече Вељаноски на денешниот брифинг за новинарите.
За опозицијата е неприфатливо да предлага точка на дневен ред на собраниска седница само еднаш месечно,како што понуди мнозинството.
Според нив тоа треба да биде како во другите земји, каде опозицијата сразмерно со нејзината застапеност, може да предлага точки.
„Ние бевме на средба кај претседателот за прашањата кои што доведоа до закочување на политичкиот дијалог и нашето напуштање на координациите: Деловникот,за надзорните расправи за контрола над трошење на јавните и буџетски средства. Со Деловникот не се решаваат другите проблеми и затоа свесно ја напуштивме координацијата.“, рече Цветанка Иванова од СДСМ.
Од владејачката ВМРО-ДПМНЕ велат дека социјалдемократите го ставаат во залог извештајот на Европската Комисија.
Од денешната кординација очекувавме да испратиме позитивен сигнал до Брисел, потпишан и усогласен Деловник од сите координатори на пратеничките групи и со тоа еден критериум кој што се бара од нас да биде исполнет. Меѓутоа со ултиматум не се решаваат прашањата во Собранието“, рече Силвана Бонева од ВМРО-ДПМНЕ.
Договор за измени беше постигнат на лидерска средба, а најголем дел од измените беа усогласени од страна на работна група во Парламентот.
Измените на Деловникот за работа на Собранието на Република Македонија е дел од барањата на ЕК во делот на подобрувањето на политичкиот дијалог./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.
Македонија
Велковски: Работничките права не се почитуваат, платите особено во здравството не се системски уредени
Министерот за труд и социјална политика, Ѓоко Велковски денеска оствари средба со претставници на повеќе грански синдикати, членови на Конфедерација на Синдикални Организации на Македонија (КСОМ) на која работна средба се разговараше за проблемите со кои се соочуваат синдикатите и вработените во областа на здравството, одбраната, полицијата, Македонски железници и рударството.
„Работничките права не се почитуваат, платите особено во здравството не се системски уредени а големи се и проблеми поврзани со функционирањето на синдикатите во последните неколку години. Ова се клучните работи кои беа истакнати од страна на претставниците на синдикатите“, вели министерот Велковски.
Министерството за труд и социјална политика ќе преземе активности во насока на системско решавање на настанатите состојби и воспоставување на вистински партнерски дијалог помеѓу МТСП и Синдикатите, нешто за што се заложи и министерот Ѓоко Велковски.
Македонија
Левицата: Бугари во Уставот е предавство, на денешен ден почна бугарската фашистичка окупација на Македонија
,,На 18 април 1941 година, со одборение на Хитлеровата врховна команда, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија“, велат од Левица.
„Овој историски факт, под рефлекторите на денешното политичко препрочитување на историјата на Македонија, Бугарија настојува овој настан од историјата наместо окупација еуфемизирано да се третира како администрирање со Македонија. Но, историските факти говорат друго! Затоа во очи на претстојните парламентарни избори, направете го вистинскиот избор и гласајте за Левица, единствената партија која се залага за раскинување на договорот со Бугарија“, посочуваат оттаму и додаваат:
„Гласајте за Левица, затоа што Бугари во Устав е предавство!”, изјавија од Левица.