Македонија
Децентрализацијата бара уште реформи
На Македонија и’ се потребни големи реформи и треба да се надгради она што е постигнато во децентрализацијата, рече Ѓорѓоси Папастергиу, известувач за процесот на децентрализација во Македонија на денешниот Заеднички консултативен комитет меѓу Македонија и Комитетот на регионите на ЕУ
На Македонија и’ се потребни големи реформи и треба да се надгради она што е постигнато во децентрализацијата, рече Ѓорѓоси Папастергиу, известувач за процесот на децентрализација во Македонија на денешниот Заеднички консултативен комитет меѓу Македонија и Комитетот на регионите на ЕУ.
Според него, Македонија во процесот на децентрализација треба да го промовира дијалогот помеѓу локалните и регионалните власти помеѓу соседите, да создаде подобра координација помеѓу националната и локалната власт, да се спроведува кампања против трговијата со луѓе и илегалната имиграција, да се засили капацитетот на општините во врска со менаџирањето на данокот на јавните долгови и јавните финансии.
Во извештајот на Комитетот на регионите на ЕУ стои дека Македонија бележи подобрувања во однос на добрососедските односи и напорите за решавање на проблемот околу името. Позитивна страна во процесот на децентрализација е и ослободувањето од визи, реформите во јавната администрација и антикорупциската политика, правата на жените, меѓуетничките односи, борбата со корупцијата и спроведувањето на европските легислативи.
Според Зоран Алексов, градоначалник на Штип и копретседавач на конференцијата, Македонија стои добро во процесот на децентрализацијата и е на ниво кое што може да се очекува од земја-кандидат за членство во ЕУ. „Познато е дека повеќе од 75 проценти од легислативата во ЕУ се применува на локално ниво и ние треба да бидеме свесни дека многу е битно локалната самоуправа со своите начини на функционирање да се приближи кон начините на работење во самата ЕУ и многу е познато дека процесот на децентрализација е еден од најбитните процеси во процесот на демократизација и натамошна интеграција на Македонија во ЕУ“, рече Алексов на четвртата Конференција на Заедничкиот консултативен комитет меѓу Македонија и Комитетот на регионите на ЕУ.
ЗЕЛС и Град Скопје до крајот на годината ќе отворат канцеларија во Брисел, од каде ќе се црпат искуствата од европските локални и регионални власти и финансиската и институционалната помош. „Не сме задоволни од она што е досега постигнато од искористувањето на европските фондови. Оваа канцеларија ќе треба да ни придонесе многу. Еден од најголемите напредоци во искористувањето на европските фондови е дефинирањето на планските региони на Македонија, со што се дефинираа стратешките проекти на еден системски начин“, рече градоначалникот на Скопје и претседател на ЗЕЛС, Коце Трајановски
За претставниците на регионите на ЕУ, отворањето на оваа канцеларија ќе значи лобирање и вмрежување со канцелариите од другите земји.„Имаме 280 претставници на региони и стотици вакви канцеларии кои се, всушност, мали амбасади кои овозможуваат контакти на различни нивоа“, додаде Џон Чаберт, претставник на Комитетот на регионите на ЕУ.крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.