Македонија
Витановски се огради од сопствените ставови
По изјавата дека Министерството за внатрешни работи и министерката Гордана Јанкулоска направиле упад во законот за лустрација, во петок претседателот на Комисијата, Јанаќе Витановски се огради од ваквиот став, образложувајќи дека имал погрешни информации.
„Имав погрешни информации дека министерката на дотичното лице издала потврда дека не е соработник со нашите служби. По реакциите во јавноста подетално го проучив предметот и од информациите до кои дојдов го констатирав следното, на споменатото лице не му е верифицирана изјава како на функционер и МВР не е тој орган што верифицира изјави, но му е издадена потврда дека не соработува со странските служби за што е надлежна МВР така што не е извршен упад“, рече Витановски.На прес-конференцијата во средата на која беше презентиран Извештајот за работата на комисијата Витановски рече дека има пример дека е направена институционална лустрација.На новинарско прашање дали тој пример се однесува на случајот Министерството за внатрешни работи и министерката Гордана Јанкулоска со соопштението со кое излегоа во јавноста дека новинарот Драган Павловиќ-Латас не соработувал со тајни служби, тој одговори потврдно на прашањето.Тој во петокот рече дека не споменал поединечно ниту едно име на министер или на друго лице, кое се наведени во објавените текстови по настанот.Витановски демантираше дека имало притисоци по последната прес-конференција на Комисијата и повтори оти имал погрешни информации во врска со наводите за МВР и рече дека не разговарал со Латас и Јанкуловска. „Комисијата ќе продолжи со процесот на лустрација согласно Законот и Уставот и во својата работа има добра соработка со четирите органи со кои соработува и од нив ги добива потребните материјали, списи, досиеја… и ни ги доставуваат сите релевантни докази и документи поединечно за секој функционер како што е предвидено. Проверката трае се додека не се провери и последниот документ од материјалот за функционерот и одлуката се носи врз основа на утврдените факти и докази дали е некој соработник или не“, рече Витановски.Не одговори дали тој или членовите на Комисијата ќе сносат одговорност за изнесените информации. Прво рече дека изнесените ставови биле негови лични, но потоа дека тоа се сепак ставови на сите членови на Комисијата. Неговиот наследник на претседателското место на Комисијата Томе Аџиев рече дека, Витановски изнел лични ставови. „Никаков упад не е направен, ниту пак тоа е во наша надлежност. Никогаш не сме расправале за тоа, ниту тоа е во наша надлежност. Стоиме зад оној дел од пресот само што се однесува на Извештајот за работата на Комисијата“ , рече Аџиев.Членовите на Комисијата, според него, имале забелешка на прес-конференцијата на Витановски во делот кога тој зборуваше за наводниот упад во работата на Комисијата за лустрација и во Законот за лустрација од страна на МВР.„Побаравме од него да се огради и мислам дека тоа денеска го направи. Комисијата најкоректно си ја работи својата работа. Се случи мал кикс. Комисијата детално ќе го разгледа случајот“, изјави Аџиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски: Како носител на ИЕ 4 за мене најдрага е победата на ВМРО-ДПМНЕ во Струмица, во следните две недели ќе продолжиме да работиме уште поинтензивно
Денес продолжуваме со кампањата за парламентарните и претседателските избори, денеска се спојуваат повторно двете кампањи. Продолжуваме тука од Струмица каде што планираме големи проекти по формирање на влада предводена од ВМРО-ДПМНЕ. Повикувам сите граѓани да ја прочитаат нашата програма Платформа 1198 каде што нудиме решенија за најкрупните проблеми на граѓаните, пред се во делот на владеење на правото и воспоставување на функционален систем на владеење на правото и правна држава, понатаму економскиот развој, решенија за состојбите во образованието и во здравството, поддршка за пензионерите, но и за најмладите преку проектот „Купи куќа“ и бројни други проекти кои што ги имаме во Платформата 1198, порача Александар Николоски, потпретседател на ВМРО-ДПМНЕ и носител на изборна единица 4.
„За нас е огромна привилегија поддршката која што ја добивме вчера, сметаме дека резултатот кој што вчера го постигна Гордана Силјановска Давкова и ВМРО-ДПМНЕ е обврска во следните две недели уште поинтензивно да се среќаваме со сите кои што сакаат да се сретнат со нас, да го објасниме нашиот концепт и визија и да ја побараме поддршката. Очекувам на 8 мај да има убедлива победа за Гордана Силјановска Давкова и најмногу пратеници за ВМРО-ДПМНЕ кој што ќе овозможат стабилна влада која што нема да биде уценува од никого и кој што ќе овозможат во опозиција да одат и СДСМ, но и политичката партија ДУИ“, кажа тој.
Додаде дека е среќен како носител во ИЕ 4 што имаат победа во Струмица.
„Тоа мислам дека е голем сигнал не само за Струмица, не само за струмичката околија туку за цела Македонија. Победата за Струмица за мене е најдрага од сите победи вчера, сакам да се заблагодарам на тимот позади мене, во следните две недели ќе работиме уште поинтензивно за да имаме уште поубедлива победа и Струмица конечно да го добие она што го заслужува, а тоа е економски развој и воведување на функционална правна држава каде што ќе има јасно владеење на правото, а не она што се случуваше во годините наназад“, рече Николоски.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.