Македонија
Македонците најмногу ги сакаат Русите
До ваков заклучок дошол туристичкиот репортер на „Космомолскаја Правда“, опишувајќи го односот кон руските туристи во Охрид
„Македонија веројатно е најголемиот пријател на Русите. Каде и да се слушне руски говор, локалните жители се топат во насмевки. Можеби заради тоа што Македонците се христијани како нас?“.Московскиот дбевен весник „Комсомолскаја правда“ во текст на страничката за туризам, објавен вчера, смета дека Охрид е најдобрата дестинација за руските туристи, не само поради климата, езерото или историјата, туку и поради односот кон руските туристи. Тие, според репортерот на весникот, најтопло биле примени токму во Македонија.Репортерот потсетува дека Охрид има 365 цркви и затоа е наречен „Словенски Ерусалим“. Текстот наликува на реклама за Охрид, ако се земе предвид дека во весникот се поместени и репортажи од Турција, Израел и Египет, каде се наредени многу критики. За весникот, сликата за Охрид е безмалку поетична.„Низ центарот на Охрид гледате крстови, долги пешачки патеки крај езерото, улица со бутици. Другото е типична населба: кафе, пуканки, продавници за сувенири. А, каде и да се свртиш, пред тебе – средновековни камени куќи. Секоја улица води до блискиот рид и до езерото – најдлабоко и најчисто во Европа. Видливоста низ водата е до 20 метри. Во август температурата на водата е околу 24 Целзиусови степени. Во Охрид цените во кафулињата и продавниците се многу пристапни. Вечера за двајца – околу 400 денари (300 рубли). Кујната е типично балканска: салата – една чинија, парче од месо – со големина на две дланки“.Сепак, се чини дека рускиот репортер слабо ги познава другите особености за Македонија, па додава дека „не постои македонска кујна, туку таа е мешавина од бугарски, турски и грчки јадења“.Весникот дава информации и за сместувањето, па наведува дека изнајмувањето приватни апартмани е најисплатлив начин на сместување. Хотелите им биле скапи, а изнајмување соба со кујна може да биде 25-30 евра дневно (каде што можат да се сместат и до четири лица).„Обиколките низ Македонија не се многу интересни, но тоа не е неопходно – само за да го откриете Охрид, ќе ви треба една недела. Одете до манастирот Свети Наум, на границата со Албанија“, пишува весникот.„Комсомолскаја правда“ ги информира руските туристи и дека организирана тура низ Македонија ќе ги чини 700 евра по човек, што вклучувало сместување во хотел со три ѕвездички и појадок. Апартманите со кујна се 25 евра. Визата за Македонија, Русите ги чини 12 евра.Првиот чартер-лет оваа година, со 130 туристи од Русија пристигна во Охрид на 26-ти јуни. До крајот на август на охридскиот аеродром ќе слетаат уште седум авиони со руски гости, а според најавите, ова лето Охрид и Струга ќе ги посетат околу 1.100 Руси. Првиот бран гости беше поради пројавениот интерес специјално за отварањето на Охридско лето. Ова е за првпат Руси организирано да летуваат во Македонија, бидејќи изминативе години нивниот број беше многу мал.Македонија и Русија се уште преговараат за меѓусебно укинување на визите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.
Македонија
Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните
„Во очите на граѓаните има една желба да што побргу заврши сето ова кое што се случуваше шест и половина години. И да имаме еден почеток кој што ќе не води кон една иднина која што сите некако како да ја чекаат изминативе три децении, а никако да дојде“, истакна претседателот на ВМРО-ДПМНЕ, Христијан Мицкоски од митингот во Македонска Каменица.
„Можам да ви кажам од мое име, од името на ВМРО-ДПМНЕ и Коалицијата дека како никогаш порано како генерација политичари сме одлучни да направиме трансформација во Македонија. Трансформација со која што многу од работите кои што денеска се погрешни и создаваат фрустрација, на моменти лоша емоција кај некого, или пак не враќаат назад во времето ќе исчезнат, ќе се врати надежта, ќе се врати оптимизмот“, рече Мицкоски.
Мицкоски додаде дека ВМРО-ДПМНЕ и Гордана Силјановска Давкова ќе победат на 24-ти април, а на осми мај ќе се потврди победата со историски печат.
„Мора победата да биде изразена со мнозинство во Парламентот. Тоа значи дека мора да имаме 61 пратеник за да можеме сето ова кое што јас го зборувам сега да го спроведеме и реализираме. Ние не сме чудотворци, чудата се невозможни, секој оној кој што ветува чуда не ја говори вистината. Ние само сакаме да ја пренесеме вистината онаа која што ние ја чувствуваме, да ја слушнеме вистината која што е поврзана со секојдневието, со реалноста и врз основа на можностите сето тоа да го реализираме во следниот период“, појасни тој.
Тој посочи дека ВМРО-ДПМНЕ преку трибините кои што ги организираше во изминатиот период ја слушна вистината од граѓаните и нивните потреби. И огромен дел од тие потреби се содржани во изборната програма „Платформа 1198“.
„Бројка која што симболички сака да прикаже 1198 проекти, политики кои што во годините кои што следат ќе значат трансформација на Македонија“, укажа Мицкоски.
Мицкоски ги замоли граѓаните да излезат во помасовен број на избори за да се победи оваа актуелна власт која што Македонија ја уништи на секое можно поле.
„Пред шест и половина, седум години оние т.н. шарени, обоени револуционери низ Македонија ветуваа ќе донеле живот, потоа ветуваа дека ќе донесат едно општество за сите, но за жал ако се присетиме на тоа што го ветија и тоа што го реализираа тогаш ќе дојдеме до еден заклучок дека од тоа што ветија ништо не реализираа, а реализираа тоа што не ветија. Односно тоа што го ветуваа не го реализираа тоа што беше добро, а реализираа погрешно а тоа не го ветуваа“, потсети Мицкоски.
Затоа претседателот на ВМРО-ДПМНЕ, Христијан Мицкоски ги повика граѓаните на избори да го заокружат бројот 2, време е за подобра иднина на Македонија, време е за Македонија повторно твоја.
Македонија
Петровска: СДСМ вистински се грижи за животната средина, Шар Планина ја направивме национален парк
Носителката во шестата изборна единица на СДСМ и коалицијата За европска иднина Славјанка Петровска денеска учествуваше во еколошка акција во Гостивар.
Во изјава за медиумите по акцијата Петровска посочи дека борбата за здрава животна средина, за чист воздух и чиста вода за пиење, бара сеопфатен широк пристап.
,,Ние, во изминатите години го правевме токму тоа. Преку искористување на природните потенцијали и преку градење на одговорни мерки и политики Македонија ја претворивме во лидер во изградба на нови енергетски капацитети од обновливи извори на енергија.
За само две години, во државата имаме инсталирано 600 мегавати од обновливи извори на енергија, најмногу во фотонапонски централи. Донесовме конкретен, реален План за чист воздух со низа на краткорочни, долгорочни и мерки на среден рок, кој на годишно ниво доведе до намалување на аерозагадувањето во најзагрозените градови.
Она што е важно за овој регион е што нашиот бисер, нашата Шар Планина ја прогласивме за Национален парк со што исправивме една би рекла децениска неправда кон оваа природна убавина” порача Петровска.
Носителката Петровска најави дека СДСМ и во следниот мандат ќе продолжи со мерки и политики што ќе придонесат за заштита на животната средина.
,,Во нашата нова програма предвидена е набавка на опрема и изградба на регионални депонии и претоварни станици во Полошкиот регион со што ќе ставиме крај на уште еден деценински проблем на граѓаните од овој регион. За да ги заштитиме нашите реки, планини, шуми во заштитените подрачја, воведуваме забрана за изградба на нови мали хидроелектрани во заштитени подрачја и национални паркови. СДСМ и Коалицијата за европска иднина се гарант за заштита на животната средина и поквалитетен живот за сите граѓани во сите населени места. Планот за чиста животна средина нека биде мотив плус на 8 мај да дадеме поддршка на бројот еден” порача Петровска.
Кандидатката за пратеник Ема Нешкоска на прес конференцијатакажа дека заштитата на животната средина е уште една причина зошто ни треба побрза интеграција во ЕУ.,
,,СДСМ има јасна визија и цел, европските стандарди и квалитетот на живот да ги донесе дома, во Гостивар и низ цела Македонија. Важно е да продолжиме кон ЕУ, затоа што со влезот во Унијата, покрај останатите придобивки, се доближуваме и до политиките кои гарантираат почист воздух и почиста животна средина” посочи Нешкоска.