Македонија
Куќните совети ќе се регистрираат и во наредните денови
На последниот ден од рокот за регистрација на заедниците на сопственици, само до пладнево, во Централниот регистар пристигнаа околу 130 пријави.
На последниот ден од рокот за регистрација на заедниците на сопственици, само до пладнево, во Централниот регистар пристигнаа околу 130 пријави.
Во Централниот регистар до сега се регистрирани нешто повеќе од 500 заедници на сопственици, а уште толку чекаат да бидат регистрирани. Централниот регистар ќе продолжи и во наредните денови да ги регистрира заедниците и покрај тоа што законски тоа е предвидено до денеска.
Граѓаните како и обично чекаат до последниот момент за регистрација, па денеска на шалтерите во Централниот регистар можеше да се забележат вообичаените гужви.
Емил Јакимовски раководител на Секторот за односи со јавност во Централниот регистар вели дека интересот кај граѓаните за регистрација на своите заедници почна да расте во последниве денови, а до крајот на денешниот ден значително да се зголеми бројот на пријавени заедници
„До средината на јули имаше само околу педесетина регистрирани и заинтересираноста беше доста ниска. Адвокатите почнаа да им нудат на граѓаните услуги за да им ги регистрираат заедниците на сопственици за одреден надомест. Со цел да се надмине тоа, ние како Централен регистар изготвивме урнеци, бидејќи знаевме дека граѓаните не можат сами да ги подготват документите“ – вели Јакимовски за Макфакс.
Заедниците на сопственици ќе можат да се регистрираат и по истекот на рокот
„Знаеме дека многу станари се во сама процедура на изготвување на документи, знаеме дека закажуваат постојано состаноци и работат на исполнување на својата законска обврска“ – вели Јакимовски.
Според законот за домување, станарите на една зграда можат да изберат или Претседател или Управител на зградата кој е должен да се грижи за нејзино одржување и за распределување на буџетот.
Според Јакимовски, до сега нема регистрирано ниту една компанија која ќе се занимава со бизнисот Управител на станбената зграда.
Во државава има околу 10 илјади станбени згради, а заедниците на сопственици можат да се регистрираат во сите градови каде Централниот регистар има свои канцеларии, освен во градовите Кратово, Крушево и Демир Хисар.крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)