Македонија
Забелешките на Селами пред меѓународната заедница
Забелешките на антикорупциската комисија за измените на Законот за спречување на корупцијата, со кој се скратува мандатот на членовите на комисијата, денеска беа изнесени пред претседателот на Собранието, Трајко Вељаноски, како и пред амбасадорот на ОБСЕ во Македонија, Хозе Луис Хереро
„На средбите ги изразивме нашите ставови за тоа дека со овие измени би се направил упад во антикорупциската комисија. На средбите бевме ислушани и позитивната енергија е исход од овие средби“ изјави за Макфакс, претседателот на антикорупциска комисија, Илми Селами.Тие побарале средба и со евроамбасадорот Ерван Фуере, како и со премиерот Никола Груевски. Со Фуере, според нивните очекувања ќе се сретнат кога евроамбасадорот ќе се врати во земјава, а од Кабинетот на премеирот се уште немаат одговор на барањето за средба.Илми Селами пред една недела на прес конференција побара министерот за правда Михајло Маневски да го повлече предлог законот со кој се вршело упад во работата на комисијата.Според него, со ваквото решение директно се задира во ефикасното функционирање на комисијата. Доколку се усвојат измените, мандатот на овој состав би завршил на 1-ви февруари 2011-та година, кога на функција би стапил нов состав.„Сметаме дека мандатот од пет години е оптимален што обезбедува сигурност во функционирањето на ова тело и се избегнува можното поклопување со изборните циклуси. Ова го потврдуваат и компаративните искуства од другите земји. Сето ова тера на помисла дека ваква институција, односно комисија како контролно тело, некому не му одговара“, рече Селами на прес- конференцијата пред една недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.