Македонија
Фондот за здравство ќе праќа извршители по фирмите
Тужби и извршители на врата треба да очекуваат сите работодавци во Македонија кои нема навреме да ги подмират долговите за здравствени придонеси кон Фондот за здравствено осигурување
Во текот на 2009 г. има невиден пораст на тужбените барања што ги поднел Фондот за здравствено осигурување кон компании кои не уплатиле придонеси за здравствено осигурување, што од една страна покажува дека компаниите работеле во криза и не можеле да обезбедат пари за оваа давачка, а од друга страна, дека заврши времето кога таканаречените газди се богатеа на сметка на избегнување на давачките за придонеси.Имено, лани Фондот за здравствено осигурување пред надлежните судови покренал вкупно 5.612 тужбени барања за наплата на заостанат придонес што е 62 отсто повеќе отколку во 2008 година кога имало 3.460 тужбени барања. Вкупниот износ на неплатен придонес кој е опфатен со овие тужбени барања изнесува околу 7,2 милиони евра главен долг и законска камата од 0,05 отсто дневно до денот на плаќањето. Од поднесените тужбени барања во судска постапка во корист на Фондот биле донесени вкупно 3.515 пресуди (151 отсто повеќе од 2008 г. кога во корист на Фондот биле донесени вкупно 1.392 правосилни пресуди) со кои се утврдени побарувања во вкупен износ од 7,8 милиони евра главен долг.Бранко Аџигогов, портпарол на Фондот за здравствено осигурување за „Форум“ вели дека од 2007 година наваму кога почнала акцијата за втужување на побарувањата врз основ на неплатени придонеси биле поднесени повеќе од 10.000 тужбени барања. Во годишниот извештај за работата на Фондот се вели дека акцијата за наплата на долгуваните придонеси по судски пат постигнала и друг позитивен ефект.„Имено, голем број обврзници за плаќање придонес, долгуваниот придонес го наплатија уште пред да се поведе постапка за наплата против нив или во текот на судската постапка, пред донесување на судската одлука”, велат во Фондот.Оттаму информираат дека во текот на 2009 година од поднесени тужби пред надлежните судови, добиени се вкупно 2.682 конечни и извршни пресуди, со кој е утврден главен долг со камата во износ од околу 6,4 милиони евра. Од овие пресуди, 1.117 се доставени до надлежни извршители за извршување и во извршната постапка е наплатен износ од 439 илјади евра.Фондот за здравствено осигурување не ги простува долговите по основ на здравствени придонеси ниту на фирмите кои покренале стечајна или ликвидациска постапка. Имено, во Фондот информираат дека во 2009 година биле поднесени 151 пријава за поведени стечајни постапки, што е 38 отсто помалку од 2008 г. кога биле поднесени 242 вакви пријави. Вкупниот износ на побарување од фирмите за кои се поведени стечајни постапки изнесува повеќе од 4,5 милиони евра, од кои за 1,3 милиони евра е утврдено побарување од Фондот, а за околу 25.000 евра Фондот е упатен на парница за утврдување на побарувањето.Сепак, вкупниот наплатен износ на побарувања од стечајни постапки лани изнесувал само околу илјада евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата, која во следниот период имаме намера дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честита за успехот и се заблагодари на можноста да води кампања за која рече дека не била еднаква за сите оти законот што е во сила не дава еднаква можност за медиумско претставување на сите партии.
Рече дека се гордее на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоив повеќе од 80.000 гласа. Регистриравме субјект што постои нешто повеќе од три месеци и со граѓанската поддршка се етаблира на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади члена, а да освоите над 80.000 гласа. Искрено, се гордеам на секој глас што дојде како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Им порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој има 100.000 гласа помалку од Гордана Силјановска-Давкова.
„Почитуван мој претседателе, разликата е огромна. Доколку сакате да опстанат централната и левата идеја во државата, откажете се од оваа битка и оставете нѐ да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата, без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.