Македонија
Стефков во Атина ќе ги подобрува билатералните односи
Новиот македонски амбасадор во Атина, Сашо Стефков, ќе ги подобрува билатералните односи меѓу двете држави, а неговито колега Ѓорѓи Филопов кој заминува во амбасадата во Виена алцентот на мисијата ќе го стави во привлекувањето странски инвстиции
„Иако сегашните услови за соработка се силно обременети со спорот за името сметам дека е неопходно да се вложат дополнителни напори за унапредување на билатералните односи, што впрочем е и нагласено во привремената спогодба од 1995 г. и тоа е секако од интерес на граѓаните на двете државиОва денeска го изјави новоименуваниот македонски амбасадор во Атина, Сашо Стефков на претставувањето на платформата за дипломатските активности пред членовите на Собраниската комисија за надворешни работи.Тој посочи дека поинтензивните контакти на сите нивоа и повисокиот степен на соработка меѓу двете држави ќе придонесат за создавање на поволна клима и зголемување на довербата што според него ќе влијае на процесот на изнаоѓање на решение за прашањето кое ги двои Македонија и Грција.За време на неговиот мандат тој рече дека ќе се залага за градење на добрососедски односи меѓу Македонија и Грција, засилување на контактите и обезбедување на средби на највисоко политичко ниво.„Исто така ќе се работи на збогатување на договорената состојба со напори за потпишување и финализирање на бројни спогодби, но и потпишување на нови договори, како и иницирање на бројни проекти меѓу ресорните министерства и соодветните институции со Грција“ рече Стефков.Еден од неговите приоритети останува привлекувањето на нови странски инвестиции и зголемување на трговската размена. Во тој контекст Стефков рече дека посебно ќе инсистира на потпишувањето на две важни спогодби, Спогодбата за одбегнување на двојното оданочување и Спогодбата за заемна заштита на инвестициите.Пратеникот Алексадар Николовски од ВМРО-ДПМНЕ посочи дека основата во македонко – грчките односи е спорот за името, кој како што рече е повеќезначен и се согласи дека за амбасадорот Стефков вистински предизвик ќе претставува зголемувањето на довербата меѓу двата народи која ќе придонесе за подобрување на односите. Новоименуваниот амбасадор во Виена, Ѓорѓи Филипов, рече дека ќе работи на обезбедување на поддршка за зачленување на Македонија во ЕУ, на зголемувањето на македонскиот извоз како и на зголемувањето на странски државни инвестиции од Австрија во Македонија.Филипов рече дека во својата програма за работа има предвидено и зајакнување на образовната, културната и техничката соработка, кака и зголемување на соработката во земјоделството и туризмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митрески: Повисоки пензии, енергетски пакети и зимски регрес, пензионерите заслужуваат подобар стандард
„СДСМ се грижи за сите граѓани, особено за пензионерите. Преку конкретни политики обезбедивме економска сигурност и подобрен животен стандард. Минималната и просечната пензија пораснаа за 50 проценти, обезбедивме континуиран раст на пензиите. Го стабилизиравме Пензинскиот фонд, обезбедивме сигурност“, изјави Јован Митрески, носител во ИЕ 5 од Коалицијата за европска Македонија, предводена од СДСМ.
Тој додаде дека во време на Ковид кризата пензиите беа исплаќани и предвреме со цел да се заштити здравјето на пензионерите. Во таа насока, нагласи Митрески, зајакнат е здравствениот сикстем, реновирани се повеќе клиники и ургентни центри низ државата, а 80 проценти од градежните зафати од реконструкцијата во Специјалната болница за ортопедија и трауматологија „Св. Еразмо“ се завршени.
„Во новиот мандат гарантираме минимална пензија од најмалку 20.000 денари, а просечната ќе достигне 30.000 денари. Ќе воведеме енергетски пакети за пензионерите кои живеат сами, во висина од 1.500 денари месечно во периодот од октомври до март, како и зимски регрес за пензионерите, во износ од 3.000 до 6.000 денари. Највисока поддршка ќе има за пензионерите со пониски пензии“, изјави Митрески и додаде дека ќе се градат и нови домови за стари лица.
Митрески истакна дека ни треба системски пристап, мерки кои се одржливи и кои даваат резултати, а не популистички и наменски решенија, кои само го уриваат системот.
Тој ги повика граѓаните на 24 април и на 8 мај да ја поддржат Коалицијата за европска Македонија, предводена од СДСМ која има План има визија и знае како.
Македонија
Д-р Филипче од Струмица: 30.000 денари просечна и 20.000 минимална пензија во следниот мандат
„Секогаш е пријатен муабетот со пензионерите, затоа што тие се мудри, искусни и нивните совети се секогаш добредојдени“, рече д-р Венко Филипче, кој во рамки на својата агенда како кандидат за пратеник на СДСМ и Коалицијата оствари средба со Здружението на пензионерите во Струмица.
Во изјава за медиумите по остварената средба, д-р Филипче се осврна на придобивките и мерките кои СДСМ ги овозможи за пензионерите, потенцирајќи дека и во иднина ќе направи сè за да ја заштити оваа категорија граѓани.
„Со укинувањето на квотите за лекови на рецепт, овозможивме граѓаните да имаат лекови во кој било ден од месецот. Оваа мерка беше најважна за пензионерите кои можат во кој било период од месецот да ја земат својата терапија. Воведовме бесплатна вакцинација против сезонски грип за лица над 65-годишна возраст. Овозможивме и бесплатно болничко лекување без наплата на партиципација за пензионери со пензија пониска од просечната во земјава“, рече д-р Филипче.
Тој посочи и дека без разлика на кризите со кои се соочуваше целиот свет, СДСМ не дозволи товарот да биде ставен на грбот на оние кои не можат повеќе да заработуваат и пензиите беа покачени за 50% во нивниот мандат. Но, како што рече, за пензионерите мора да се посветува и повеќе внимание во наредниот период.
„Тие се најпеднатните плаќачи на обврските кон државата, најнавремено плаќаат сметки за струја, комуналии, купуваат голем број лекови, тие веднаш откако ќе ја земат пензијата, на еден начин парите повторно ги враќаат во државната каса“, истакна Филипче.
На крајот од своето обраќање, д-р Филипче ги повтори и ветувањата на СДСМ во следниот мандат, односно минимална пензија од најмалку 20.000 денари, просечна пензија од 30.000 денари, како и воведување енергетски пакети за пензионерите кои живеат сами, во висина од 1.500 денари месечно во периодот од октомври до март. Во зимските месеци, рече Филипче, пензионерите ќе добиваат регрес од 3.000 до 6.000 денари и додаде дека највисоката поддршка ќе биде за пензионерите со најниски пензии.
„Ќе направиме сè за на стари години по пензионирањето секој да ужива во плодовите од својот поранешен труд. Тоа се наши родители, кои нè застанале на нозе, штеделе за да нè школуваат, да нè изведат на прав пат. Сега ние треба да се грижиме за нив и да им обезбедиме достоинствена старост“, заклучи Филипче.
Македонија
Јакимовски за Мицкоски: Маските пандаа, ГРОМ се единствената трета опција со промакедонски ставови
Маските пандаа. Христијан Мицкоски јавно објави дека повеќе нема да ги напаѓа ниту Левица, ниту ЗНАМ, ниту господинот Максим Димитриевски, што значи дека тие од тајна стануваат јавна коалиција и ова јасно покажува дека тие веќе ги имаат усогласено ставовите во врска со промена на Уставот и во врска со внесот на Бугарите во Уставот, изјави претседателскиот кандидат, Стевчо Јакимовски.
„Ова јасно покажува дека и Левица и ЗНАМ стануваат дел од ВМРО-ДПМНЕ и сануваат продолжена рака на оваа коалиција и оваа голема политичка партија и станува јасно на политичката сцена, искрен да бидам јас сум многу среќен, затоа што ГРОМ и коалицијата „Храбро за Македонија“ останува единствена трета опција, единствена независна сила што се бори против овие два големи политички блока коишто не донесоа среќа на граѓаните на Република Македонија и коишто водат политика по принципот „кажуваат ДА и кога народот вели НЕ“. Очигледно е дека за овие промени коишто тие сакаат да ги направат во Уставот граѓаните јасно се изјаснуваат дека нивниот одговор е НЕ, но ова повеќе од јасно укажува дека се создава уште една група којашто сака спротивно на интересите и мислењето на граѓаните и јавното мнение кое кажува НЕ, тие да кажат ДА за уставните промени и јасно е дека ги имаат усогласено овие нивни чудни ставови“, рече Јакимовски.
Како што додаде, навистина е крајно нечесно да се трудите да ги изиграте македонските граѓани, да го изиграте македонскиот народ, цело време да глумите патриотизам, да глумите уставобранители, цело време да глумите дека сте загрижени за граѓаните и дека вие сте тие што ќе ги ограничите ДУИ во нивниот поход кон освојување на комплетната власт на Република Македонија, а всушност се подготвувате и се групирате да го извршите најголемото предавство во историјата на македонскиот народ.
„Јас уште еднаш ќе кажам дека сум многу среќен што се случува ова, затоа што граѓаните јасно можат да видат, а поготово гласачкото тело на ЗНАМ и на Левица јасно можат да видат дека единствена трета опција во оваа држава со јасни македонски ставови останува само коалицијата „Храбро за Македонија“ и ГРОМ“, рече Јакимовски.