Македонија
Словенија и Македонија разменуваат искуства за регионален развој
Размена на искуства во локалната самоуправа, регионален развој и подготвување на проекти за пристапните фондови и кохезионата политика, како и прекуграничната соработка, се дел од темите на дводневната конференција која започна денеска во Скопје,
Размена на искуства во локалната самоуправа, регионален развој и подготвување на проекти за пристапните фондови и кохезионата политика, како и прекуграничната соработка, се дел од темите на дводневната конференција која започна денеска во Скопје, во присуство на голем број претставници на бизнис асоцијации, невладини организации, претставници на општините од земјава и од Словенија.
„Словенечките искуства за нас се важни во спроведувањето на националната политика на регионалниот развој. Да учиме од Словенечката политика која успешно го преброди целиот процес на децентрализација и стана членка на ЕУ. Нашите структури се млади структури, иако локалната самоуправа има искуство и во процесот на децентрализацијата“ – порача денеска министерот за локална самоуправа Муса Џафери.
Министрите за локална самоуправа на Македонија и Словенија ја истакнаа прекуграничната соработка како една од позначајните сегменти во регионалната развојна политика, за што општините имаат голема улога во планирањето на развојот на планскиот регион и во имплементација на проектите
Според министерот Џафери, општините се едни од најзаинтересираните субјекти за аплицирање на проекти за прекугранична соработка со општини од соседните држави и нема општина која не е опфатена со сегашните четири Програми за прекугранична соработка.
„Искуствата велат дека заедничките проекти на прекуграничната соработка со соседните земји се добар инструмент за користење на заедничките потенцијали на прекуграничните појаси. Исто така водат кон соживот на граѓаните од двете страни на границата“ – изјави Хенрик Ѓеркеш, министер за локална самоуправа и регионална политика на Словенија.
Министерот Џафери изрази задоволство од досегашната соработка со соседните земји за што се објавени два јавни повици за проекти со Албанија и Бугарија и еден проект со Грција, а во фаза на изработка е Програмата за прекугранична соработка со Косово.
„Особено важно е словенечкото искуство во функционирањето на хоризонталната и вертикалната координација и консултација меѓу сите надлежни институции. Во нашиот случај станува збор за повеќе ресорни министерства, како и општините и граѓанскиот и бизнис секторот“ – додаде Џафери./крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.
Македонија
Приведено уште едно лице за кражбата на сефот во Црниче
Приведено е уште едно лице за кражбата на сеф од маркет во Црниче.
Од МВР информираа дека вториот приведен е В. Т. (36) од Скопје.
Претходно, Обвинителството објави дека приведен е 26-годишен скопјанец, кој учествувал во кражбата.
Со тоа, двајцата се сомничат дека на 1 април провалиле во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
ОД МВР информираа дека судија на претходна постапка на едното лице му определи мерка притвор.