Македонија
Eвропскиот суд бара одговори за заложништвото од CIA
Случајот Ел Масри против Македонија продолжува во Европскиот суд за човекови права, најавија неговите адвокати Луис Монтеро од Лондон и Филип Медарски во Скопје, информирајќи дека случајот е стигнат ди макеоднската валда на 8-ми октомври
Македонската влада стана првата којашто беше повикана да даде отчет за својата соработка во програмата на CIA за нелегално апсење и трансфер на осомничени за тероризам пред меѓународниот трибунал. Случајот, донесен од Иницијативата за правда на Отворено општество, од името на германскиот граѓанин Калед ел Масри, беше пренесен до македонската влада од страна на Европскиот суд за човекови права на 8-ми октомври.Сега Министерството за правда има рок до јануари 2011 г. да прибере податоци и да даде одговор. „Со овој случај, Европскиот суд го надмина судството во САД со својата реакција против тортурата и искористувањето поврзано со незаконското заложништво. Калед ел Масри помина низ ужасно измачување и тој има право на правда и јавно признавање на неговото малтретирање“, рече Џејмс A. Голдстон, извршен директор на Иницијативата за правда на Отворено општество. „Европските влади мора да бидат одговорни за учество во тортура, малтретирање или киднапирање во соработка со програмата на ЦИА за нелегално апсење и трансфер за осомничени за тероризам“, рече Голдстон во јуни кога почна со истражување на случајот.Комуникацијата е голем чекор напред, затоа што само околу десет проценти од сите случаи поведени пред Европскиот суд достигнуваат до оваа фаза. Натаму, Македонија ќе треба да одговори на конкретни прашања кои ќе ѝ бидат поставени од судот во врска со својата наводна улога во програмата за нелегално апсење и трансфер за осомничени за тероризам. Судот ја покани и Германија да достави свои коментари.Според обвинувањето припадници на македонските безбедносни сили го уапсиле Калед ел Масри на барање на САД во декември 2003 г. и го држеа во заложништво 23 дена без пристап до надворешниот свет. Ел Масри потоа бил предаден на CIA и пренесен во притворен центар во Кабул, Авганистан, каде што беше затворен во ужасни услови, беше испрашуван и малтретиран. По неколку месеци, Ел Масри бил ослободен и исфрлен покрај пат во Албанија.И покрај убедливите докази за нејзината соработка, Македонија сè уште негира дека нелегално го држела Ел Масри во заложништво на нејзина територија или дека го предала на CIA, тврдат правните застапници на Ел Масри.САД никогаш јавно не признаа дека го држеле Ел Масри во заложништво. Во 2007 г., Врховниот суд на САД одби повторно да ја отвори пресудата на апелациониот суд, со која привилегијата на државна тајна бараше затворање на овој случај.Во Германија и Шпанија во тек се национални истраги поврзани со заложништвото на Ел Масри. Полска, Литванија и Обединетото Кралство се исто така пошироко вклучени во истрагите во врска со необичното заложништво.Според тврдењата на Калед ел Масри, тој во 2003 г. бил 23 дена во заложништво на територијата на Македонија, по што со помош на ЦИА бил пренесен во Авганистан. Се претпоставува дека причина за апсењето било помешувањето на неговото име со името на припадник на Ал Каеда.Шпанското обвинителство во мај најави издавање налог за апсење на 13 агенти на CIA, кои биле вмешани во случајот на Калед ел Масри. Обвинителството тврди дека членовите на CIA, кои го спровеле трансферот на ел Масри од Македонија до Авганистан, престојувале накратко во Мајорка пред да пристигнат во Скопје. Шпанските власти како доказ ги имаат обезбедено гостинските книги од хотел во Мајорка, како агентите на CIA престојувале заведени под лажни имињa.Калед ел Масри стана познат на светската јавност, кога, поради помешување на неговото со име на припадник на Ал Каеда, бил задржан во Македонија и однесен на испрашување во Авганистан. Германскиот државјанин со либанско потекло Калед ел Масри ја тужи Германија, бидејќи државата формално не побарала екстрадиција на агентите на CIA кои според него во 2003 г. го киднапирале во Скопје. Против Македонија засега нема никаква постапка.Во тужбата против германската влада се вклучи и Европскиот центар за уставни и човекови права, кој утврдил дека на eл Масри му се прекршени основните права и човекови слободи. Адвокатите на ел Масри во САД поднесоа тужба за надомест на штета, но таа беше одбиена. Во Германија, пак, е поведена кривична постапка против агентите на CIA. По нив е издадена потерница, но формално Германија никогаш од САД не побарала нивна екстрадиција.Случајот eл Масри го отвори прашањето за тајните затвори на CIA, но целата работа остана неразјаснета.Четириесет ишест годишниот Калед ел Масри тврди дека на 31 декември 2003 г. на граничниот премин Табановце од македонски службени лица бил симнат од автобус, потоа однесен во скопскиот хотел „Скопски мерак“ каде што бил држан во заложништво 21 ден. Оттаму преку скопскиот аеродром бил предаден на лица, наводно агенти на CIA, кои со авион го пренеsле во Авганистан. Таму бил држен во затвор пет месеци, a бил испрашуван под сомнение дека е припадник на Ал Каеда.Откако Американците констатирале дека направиле грешка и дека во заточеништво држат погрешен човек, а не озлогласениот водач на франкфуртската келија на Ал Каеда кој имал исто име и презиме, тие го вратиле во Албанија од каде што експресно бил екстрадиран во Франкфурт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.
Македонија
Тодоровска: Документите за историјата на македонската држава мора да се заштитат и чуваат соодветно зашто ние сме менливи и минливи, но Македонија мора да постои
Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодоровска, одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ.
Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодоровска објасни дека во историјата постојат формално, пишано, и неформално, непишано, право, како што го толкуваат историчарите.
„Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“.
Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодоровска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава.
„Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва.
Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодоровска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори:
„Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодоровска.