Македонија
Наумовски: Очекуваме објективен Извештај од ЕК
Се наоѓаме непосредно пред добивањето на Извештајот за напредокот на земјата. Ние очекуваме тоа да биде еден објективен извештај каде сите активности ќе најдат свое место, рече вице-премиерот Наумовски на седница на Националниот совет за евроинтеграции
Вицепремиерот за европски прашања Васко Наумовски во петок изрази очекување дека Македонија ќе добие што е можно повеќе насоки за активностите кои ќе следат по добивањето на овој Извештај со цел подобро да продолжи целокупниот процес за хармонизација на македонското законодавство со европското и дека Собранието и натаму ќе продолжи да дава придонес во тој процес и во наредниот период. Презентирајќи ја информацијата за реализираните активности од Националната програма за усвојување на правото на ЕУ за периодот од 1-ви јули до 30 септември годинава подготвена од Секретаријатот за европски прашања Наумовски истакна дека од вкупно 106 закони предвидени за усвојување за 2010 г , Владата ги подготвила текстовите на 87 закони, а готови се и дополнителни осум кои се одговор на некои од минатогодишните забелешки, односно подготвени се 95 закони.Додаде дека и во последниот квартал, кој е предмет на оваа Информација, се забележува позитивниот тренд во донесувањето на законите. Опозицијата обвини дека Извештајот става „розова завеса“ на она што е досега сработено, наспорти она што реално се случува во Македонија. Андреј Жерновски од ЛДП рече Македонија е на дното на агендата на ЕУ, затоа што ЕУ е на дното на агендата на Владата. „Ќе се согласам дека најголемиот проблем е блокадата од Грција, но ние ништо не сме направиле во оние полиња кои ни беа сугерирани како слаби позиции во минатогодишниот Извештај“, рече Жерновски. Владејачките партии сметаат дека информацијата за усогласувањето со европското законодавство е добра и содржајна и во неа се прифатени забелешките од собраниските комисии и Националниот совет за евроинтеграции за начинот на кој се изнесуваат фактите во неа. Процесот на евроинтеграциите сметаат дека е блокиран поради наметнатиот спор за името од страна на Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука