Македонија
Тодоров: Вчерашниот инцидент е поширок општествен проблем
Министерот за образование и наука Никола Тодоров денеска изрази жалење за вчерашниот инцидент во кој еден средношколец со нож избоде двајца средношколци пред гимназијата „Орце Николов“ во Скопје
Министерот Никола Тодоров додаде дека тоа е настан кој се случил надвор од училиштето и оти ваквото однесување претставува поширок општествен проблем. „Инцидентот се случи надвор од училишните дворови и училишните простории, но во секој случај е немил настан кој говори за состојбата и однесувањето на младите. Тоа е поширок општествен проблем на кој сите институции треба да работат. Треба посериозно да се работи на моралниот интегритет и на пристапот на младите кон живеењето и функционирањето и во училиштата и надвор од нив“, рече Тодоров. Тој посочи дека сите институции и органи треба да реагираат за да се минимизира ваквото однесување кај младите и ваквите инциденти. „Мислам дека некои од младите за пример земаат лица кои не треба да бидат пример и кои имаат сомнителни активности. Според мене, тоа е една од причините поради која дел од младите сè повеќе се одлучуваат на ваков начин на однесување. Ова е општествен проблем и треба да се третира од сите институции“, рече министерот Тодоров. Според него, битно е што е лоциран виновникот и се преземени мерки за расчистување. Тодоров додаде дека е невозможно да се очекува целосно да се спречи појава на вакви инциденти и криминал на територијата на целата држава, со оглед на тоа што, како што рече, тоа не може да се направи во ниту една друга земја, и повтори дека треба да се работи на нивно минимизирање. Тој денеска се сретнал со градоначалникот на Град Скопје, Коце Трајановски со кој разговарале за планираните инвестиции за наредната година, како и за предвидените буџетски средства. „Со градоначалникот Трајановски разговараме за буџетските средства што како блок дотација до Градот Скопје се префрла од МОН. За наредната година средствата се зголемени за 100 милиони денари и ќе изнесуваат вкупно една милијарда и четири милиони денари. Со тоа ќе бидат задоволени сите потреби“, рече министерот Тодоров. Во врска со превозот на средношколците, Тодоров рече дека тоа прашање е решено со дополнително алоцирани средства. Министерството за внатрешни работи ќе поднесе кривична пријава за нанесување на тешка телесна повреда против седумнаесетгодишниот С.У., ученик во гимназијата „Орце Николов“, кој вчера попладне со нож избодe двајца средношколци од гимназијата „Никола Карев“, соопшти МВР. Неофицијално, средношколецот кој извадил нож е син на поранешен висок полициски функционер, а едно од повредените деца Н.С (16) е син на началникот на генералштабот, Мирослав Стојановски. Според првичните информации, двете групи се скарале поради кошаркарскиот натпревар што се одигруваше синоќа меѓу МЗТ Скопје – Работнички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.