Македонија
СДСМ: Заклучокот на Антикорупциска за „Надеж“ е политички монтиран случај
СДСМ денеска обвини дека зад заклучокот на Антикорупциската комисија за ангажирањето на словенечките експерти од страна на поранешниот претседател Бранко Црвенковски стои монтирано и однапред испланирано сценарио на власта.
„Едноставно Груевски и ВМРО ДПМНЕ самите се легитимираа дека се творци на уште едно монтирано и однапред испланирано сценарио во кое не бираат ниту средства ниту методи за оцрнување на Бранко Црвенковски и СДСМ“, рече Емилијан Станковиќ, портпарол на СДСМ.
Тој посочи неколку аргументи од кои како што рече се гледа дека станува збор за монтиран случај.
Станковиќ наведе дека актуелниот претседател на Антикорупциска комисија Илми Селами во моментот на неговиот избор не ги исполнувал законските услови за да биде член на комисијата.
„Антикорупциската комисија, може да биде именувано лице кое треба да има високо образование исклучиво од областа на правото и економијата. Актуелниот претседател на Антикорупциската Комисија, Илми Селами, завршил политички науки и со тоа, во моментот на неговиот избор не ги исполнувал законските услови да биде член на оваа комисија.Без разлика на предлогот кој не го исполнува ниту основниот законски услов, пратениците на ВМРО ДПМНЕ гласале-ЗА неговиот нелегален избор“, рече Станковиќ.Според него владејачкото мнозинство го легализирало неговиот избор.
„Кога на ова ќе се додадат и фактите дека Селами на 9 ноември без воопшто да го проучи предметот, за кој и самиот вели дека е обемен и дека му требаат денови само да го фотокопира за да го достави до Обвинителството, веднаш го предложил правно неписмениот заклучок, потврдува дека се работи за политички монтиран случај“, додаде Станковиќ.
СДСМ ја повика Антикорупциска комисија да покрене иницијатива за утврдување кривична одговорност и во случаите со ангажирањето на консултантите Филип Сендс, Томас Франк и Будислав Вукас од Владата за тужбата против Грција во Судот во Хаг, на фирмите „Квин Гилеспи Асоцијација“ и „Вебер Шендвик“ за лобирање за интересите на Македонија во САД и ЕУ, и на Словенецот Грегор Вирант како консултант за реформите во јавната администрација.
„Го прашуваме Илми Селами, дали по истиот принцип како во случајот со Бранко Црвенковски ќе ги оцени критериумите по кои се водела Владата на Груевски и ВМРО ДПМНЕ во ангажманот на овие странски експерти, како незаконско и ненаменско трошење на народни пари?Дали ќе ја праша Владата на Груевски и ВМРО ДПМНЕ, зошто не распишала тендери и склучувала непосредни спогодби и зошто ангажирала странци кога и во Македонија постојат експерти за истите области?“, праша Станковиќ./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.
Македонија
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари во една, како и Максим Димитриевски.
Со тоа Силајовска има најмногу освоени гласови во Аеродром (51,48 %), Берово (54,92 %), Битола (48,44 %), Богданци (49,59 %), Босилево (57,61 %), Брвеница (33,54 %), Бутел (43,91 %), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77 %), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.