Македонија
Во Македонија генерално се почитуваат верските слободи и права
Во Македонија генерално се почитуваат верските слободи и права што е овозможено со Уставот, Законот за правниот статус на црквите, религиозните заедници и групи од 2007 г. и дугото законодавство, се наведува во годишниот Извештај на американскиот Стејт департмент за верските слободи во светот
Владата генерално ги почитува верските слободи и права. Нема случаи на затворање поради верски убедувања, ниту на принудување за менување на верата. Годинава е усвоен и Законот за антидискриминација, кој овозможува заштита против дискриминацијата врз основа на верски убедувања. Сепак, забележани се проблеми во примената на постапките за регистрација на одредени верски групи. Во тој контекст се спомнува т.н. Охридска архиепископија на Јован Вранишковски.Во Извештајот се посочува дека двете главни религии во Макеоднија се православното христијанство и исламот. Околу 65 проценти се православни христијани, а 32 муслимани. Во земјата има и помали групи римокатолици, протестанти и Евреи. Генерално има соработка меѓу различните етнички и религиозни заедници.Во Македонија нема официјална државна религија, но во уставниот амандман од 2001 година се посочуваат пет религиозни групи – Македонската православна црква, Исламската верска заедница, Римокатоличката црква, Еврејската заедница и Евангелистичко-методистичката црква. Припадниците на другите религиозни групи забележуваат дека токму наведените во Уставот пет верски заедници имаат повластен третман од властите.Во Извештајот на Стејт департментот се наведува и дека неколку религиозни празници Велигден, Божик и Рамазам Бајрам се одбележуваат како национални празници. Останатите христијански, исламски или еврејски празници не се национални празници, но на верниците им е овозможено слободно да ги слават.Според законодавството, религиозните групи мора да се регистрираат и тие се одвоени од државата. Не е дозволено отворање верски основни училишта, но нема ограничувања во повисоките нивоа на образование или за верска едукација во црквите, џамиите и други верски објекти.Извештајот го нотира и укинувањето на изучувањето на веронаука во основните училишта од страна на Уставниот суд, како и можноста да се изучува предметот Етика на религиите, а се спомнуваат и плановите за изградба на црква на МПЦ на централниот плоштад во Скопје, како и барањата на дел од муслиманските верници за изградба и на џамија. Како се уште актуелен проблем се наведува денационализацијата на имотот на верските заедници кои им бил национализиран во време на поранешната Југословенска Федерација. гв/са/9:22
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.