Македонија
Стотина стечајци создадоа сообраќаен метеж во центарот на Скопје
Група од стотина стечајни работници, попладнево ја блокираа раскрсницата пред Собранието, што доведе до сообраќаен колапс во центарот на градот.
Блокадата на една од најфрекфентните раскрсници во Скопје предизвика револт кај дел од возачите, а понервозните се обидоа и да го пробијат кордонот поставен од стечајците.
Протестот е организиран од здружението на стечајци „УНИТ“, кое неколку месеци организира слични протести во Скопје, со барање да бидат згрижени стечајните работници на возраст од над 50 години за жени и над 53 за мажи, кои имаат остварено 15 години стаж.
„Жалам што на овој начин мораме да го изразиме нашиот револт. Нашите барања се многу чисти. Поднесовме два предлог закона и двата беа одбиени. Стоиме и натаму на нашите барања“, изјави Лилјана Георгиевска, претседателка на “УНИТ“.
Таа му порача на премиерот Никола Груевски дека демократија во Македонија е сведена на нула.
„Ако народ дал доверба на еден премиер, тој треба да ја оправда таа доверба“, рече Георгиевска.
Предлог законот за стечјаците, со кој секој стечаец би добивал по 6.000 денари до пензионирање, беше отфрлен летоска од собранието, а по собраниската седница дојде и до физички инцидент во ходниците на собранието. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А.И.(48), затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на Комисијата на Јавното обвинителство за следење на евентуални кривични дела поврзани со изборите извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец“ со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите, наводно, го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите кои гласале до 13 часот е 26,35 отсто, информираше претседателот на Државната изборна комисија, Александар Даштевски.
Според податоците, најголема е излезноста во Новаци – 42,87, а најмала во Врапчиште 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Останатите се во обработка.