Македонија
Посебен сообраќаен режим во Скопје во недела
Значителни измени во сообраќајни режим најавени се за во недела, кога е предвидено да се одржи протестниот марш на опозицијата низ скопските улици.Градот Скопје ги известува граѓаните дека на 05.12. (недела), во период од 05:00 часот до 18:00 часот ќе биде забранет сообраќајот на делницата од крстосницата на ул.„Димитрие Чуповски“ и ул.„Даме Груев“, сe до крстосницата на ул.„11 Октомври“ и бул.„Кочо Рацин“. Сообраќајот ќе биде забранет и по бул.„Партизански одреди“,и тоа од крстосницата на ул.„Московска“, па до бул.„ВМРО“, и тоа во период од 11:30 часот до 13:00 часот десната коловозна лента во правец од Општина Ѓорче Петров кон Општина Центар, а од 11:30 часот до 12:30 часот и левата коловозна лента.Автобусите на јавниот градски сообраќај, коишто вршат превоз на линиите 3; 3A; 3Б; 4; 4A; 5; 7; 7Б; 15; 21; 22; 23; 24; 26; 50; 57; 59 и се движат по ул.„11 Октомври“ и ул.„Димитрије Чуповски“ во насока кон исток, ќе бидат пренасочени и ќе се движат по бул.„Св. Климент Охридски“ и ул.„Железничка“, а автобусите на линија бр. 16 ќе сообраќаат преку Југодрво до Бит-пазар и Железара.Автобусите на јавниот градски сообраќај, коишто се движат во правец кон запад (Карпош) ќе бидат пренасочени по бул.„Кочо Рацин„ и ул.„Мито Хаџивасилев Јасмин“ и тоа линиите 3; 3A; 3Б; 4; 4A; 5; 7; 7Б; 15; 21; 22; 23; 24; 26; 50 (од Бит-пазар преку Југодрво); 57 (од Бит-пазар преку Југодрво); 59 (од Бит-пазар преку Југодрво), а возилата на линија бр. 16 ќе сообраќаат од Бит-пазар преку Југодрво до Пржино, притоа користејќи ги постојните автобуски стојалишта. Автобусите на јавниот градски сообраќај коишто во дадениот период се движат по бул.„Партизански одреди“ од Општина Ѓорче Петров кон Општина Центар т.е. кон исток ќе бидат пренасочени по ул.„Московска“, ул.„Митрополит Теодосија Гологанов“, ул.„Мито Хаџивасилев Јасмин“ и ул.„Железничка“, додека автобусите коишто се движат во обратна насока т.е. од исток кон запад ќе бидат пренасочени по ул.„Франклин Рузвелт“, бул.„Илинден“, ул.„Љубљанска (Московска)“ и продолжуваат по дадената траса по бул. „Партизански одреди“. Градските власти апелираат до сите учесници во сообраќајот да се придржуваат кон времено поставениот режим на сообраќај. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанец фатени како ги фотографираат гласачките ливчиња, а жител на Бучим му го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач, изјави портпаролот на МВР, Тони Ангеловски.
Тој додаде дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба има на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до 9 часот, се искачи на 12,78 отсто.
Македонија
Димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информира за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, тоа се одвива мирно, без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територијата на општина Чаир се забележани летоци, кои биле оставени на паркирани возила, а исто така се испишани и два графита. На едно гласачко место во Скопје, покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и учесниците на изборите – во текот на гласањето, до завршувањето, да се воздржат од какви било инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.