Македонија
Вардар се излеа во тетовско
Поради поројните дождови во текот на ноќта, реката Вардар се излеа во атарот на Јегуновце при што поплавено е селото Раотинце и возводно по неговиот тек.
Реката Вардар излеана е по нејзината лева страна. Големи количества вода носат притоките Бистрица, Лешочка и Брза Вода, со што го зголемуваат водостојот уште повеќе.
Хидролозите сметаат дека водостојот на реката Вардар и неговите притоки ќе расте, бидејќи се уште има врнежи и не се престанати. Во попладневните часови се очекува зголемување на водостојот и во средишниот дел на реката Вардар.
Исто така, има појава на излевање на реката Треска возводно од Македонски Брод кај месноста Пласница, поради големиот проток на реката Треска кој во моментот изнесува 152 м3 / сек. За споредба во текот на вчерашниот ден изнесуваше 67 м3 / сек.
Другите притоки на реката Вардар се во нормална состојба, односно се уште нема никаква опасност од нивно излевање.
Од Македонски Железници добиено е известување дека железничката линија помеѓу Тетово и с. Јегуновце, поточно кај с. Порој, се уште е во прекин поради излевање на вода на пругата. Прекинот трае од 17.30 часот вчера. Екипи на Македонски железници се на терен и според дежурниот во Железничката станица Тетово се очекува железничкиот сообраќај на релација Скопје-Тетово-Гостивар-Кичево и обратно, да се нормализира околу 13 часот. /крај/цук/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
УЈП: До 26 април продолжен рокот за поднесување на ДДВ-04 пријавите
Управата за јавни приходи информира дека пропишаниот рок за поднесување на Пријавите за данокот на додадена вредност “ДДВ–04“ кој истекува на 25.04.2024 година, се продолжува за еден ден.
Според соопштението од УЈП, краен рок за поднесување на пријавите ДДВ -04, ќе се смета 26.04.2024 година, имајќи ја во предвид владината одлука со која 24.04.2024 година -среда, се прогласува за неработен ден за сите граѓани.
Македонија
Гласањето на затворениците и болните се одвива без проблеми, велат од ДИК
Денес, 2.569 гласачи своето право на глас ќе може да го остварат во 31 гласачко место во ДКП, каде што се пријавиле да гласаат, а чии пријави се прифатени од страна на Државната изборна комисија.
На гласачките места во 14 казнено-поправни установи своето гласачко право денеска ќе може да го остварат 2.147 гласачи. Сите гласачки места во казнено-поправните установи се отворени утрово во 7 часот и гласањето таму ќе трае до 19 часот.
До овој момент гласањето тече без проблеми. Во текот на денешниот ден своето гласачко право во единствениот центар за внатрешно раселени лица ќе може да го остварат и двајца гласачи, кои се водат како внатрешно раселени.
Во текот на денешниот ден избирачките одбори во Република Северна Македонија ќе го спроведат гласањето на лица што се болни или немоќни, а до општинските изборни комисии доставиле известувања со соодветна документација. Во своите домови гласачкото право ќе го остварат 6.935 граѓани, кои се пријавиле како болни или немоќни.
Денес, 534 гласачи, кои се сместени во 20 центри за вонсемејна грижа, ќе имаат можност да го остварат своето право на глас во центарот во кој се сместени. Постои изразен интерес и за набљудување на овие избори од страна на домашни, странски и меѓународни организации и медиуми. Државната изборна комисија досега им издаде акредитации за набљудување на 342 домашни, 517 странски и меѓународни набљудувачи, 51 преведувач и 32 странски новинари. На сите граѓани на располагање им се и интернет-страницата на ДИК, www.sec.mk, како и страниците на социјалните мрежи „Фејсбук“, X, „Инстаграм“, како и каналот на „Јутјуб“, каде што ќе може да најдат правовремени и точни информации поврзани со изборите.
Со право на глас на овие избори во Избирачкиот список се запишани вкупно 1.814.317 гласачи.
Македонија
Инспекторатот ќе контролира дали работодавците ја почитуваат владината одлука за неработен ден
Државниот пазарен инспекторат им укажува на сите работодавци дека во согласност со заклучокот на техничката Влада деновите на изборите – 24 април 2024 година (среда) и 8 мај 2024 година (среда) – се неработни за сите граѓани.
„Работодавците во наведените денови не треба да извршуваат дејност со исклучок на оние кај кои работните процеси поради својата природа не може да се прекинат“, порачаа од Инспекторатот.
За наведените денови, Државниот пазарен инспекторат ќе воведе дежурства и преку државните пазарни инспектори ќе контролира дали заклучокот на техничката Влада се почитува од страна на работодавците.