Македонија
Ново наводно досие за висок функционер на ДУИ
Непознато лице денеска достави нови наводни документи до Комисијата за лустрација, во кои се тврди дека лицето Џеват Адеми, наводно бил соработник на тајните служби.Наводниот документ, претставува изјава потпишана од лицето Џеват Адеми, дадена во 1982 година во просториите на ИУСДБ „Кисела Вода“ каде лицето кое ја дава изјавата раскажува за своите активности и како што стои, непријателските активности на уште три други лица.Томе Аџиев, Претседателот на Комисијата за лустрација потврди дека примиле нови записи кои треба да се разгледаат.„Дојде едно лице, донесе записник односно изјава од еден пратеник, таа е и претходно разгледувана, ќе ја видиме уште еднаш, ќе донесеме соодветна одлука сега за сега не ја разгледавме бидејќи ја добивме на крајот од работното време, членовите веќе си заминаа“, рече Аџиев и додаде дека треба да се провери дали се работи за истиот документ, кој комисијата и претходно го разгледувала.„Ќе го видиме ќе го споредиме со другите документи, ако е истиот ќе го отфрлиме,“ рече тој. На новинарско прашање за шпекулациите за постоење на наводни аудио записи, за разговори меѓу Адеми и службено лице во полицијата, Аџиев одговори дека за сега немаат такви информации.„Немаме такви информации во архивот, не можам да ви кажувам, бидејќи се работи за документи кои се класифицирани, не можам да ви кажувам што како е,“ додаде Аџиев.Досега до Комисијата за лустрација се доставени вкупно шест досиеја за соработка на високи функционери на ДУИ со тајните служби. Четири од нив, „Мама“, „Вујко“, „Стрелец“ и „Ибар“, Комисијата за лустрација ги прогласи за фалсификати. За наводното досие од германската тајна служба, Претседателот на Комисијата, Аџиев, денеска изјави дека не може да биде земено во предвид додека за хрватското досие, Комисијата очекува мислење од уште една служба и кога тоа ќе биде доставено, ќе се одлучува за него.„Не исполнуваат ниту еден критериум за да бидат документ, туку тоа се три ливчиња, напишани на германски, пречкртани се половина, нема ни печат ни потпис ни ништо“, рече Томе Аџиев, Претседателот на Комисијата за лустрација за германските досиеја./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стоилковски: Разликата е над 150 илјади, обработени се 75 отсто од гласовите
Портпаролот на ВМРО-ДПМНЕ, Наум Стоилковски изјави дека разликата е над 150 илјади во корист на кандидатот за претседател Гордана Силјановска Давкова, по обработени над 75 отсто од гласовите.
Тој најави дека во 22 часот ќе има обраќање Силјановска Давкова, а во 22 и 30 ќе се обрати и претседателот на ВМРО-ДПМНЕ, Христијан Мицкоски.
Македонија
Јакимовски призна пораз, ѝ честиташе водство на Сиљановска и ѝ поска среќа во вториот круг
Лидерот на ГРОМ и претседателски кандидат, Стевчо Јакимовски, вечерва призна пораз и ѝ честиташе водство на Гордана Сиљановска-Давкова. Со оглед на поразот, рече дека не е задоволен од изборниот резултат.
„Јас ја одржувам оваа прес-конференција со цел да го признам поразот на овие претседателски избори, а воедно да ѝ честитам на водството на госпоѓата Гордана Сиљановска-Давкова и да ѝ посакам среќа во вториот изборен круг. Дали резултатите се задоволувачки-според мене нормално дека не се задоволувачки. Далеку се од очекувањата. Како и да е битно беше дека граѓаните на Република Македонија имаа избор. Избираа меѓу седум свои кандидати. Дали биле во право за тоа што го избрале, ќе видиме после пет години. Се надевам дека сите ќе бидеме живи и здрави и после пет години ќе констатираме дали изборот бил добар или не“, рече Јакимовски.
За да признае пораз тој не дочека Државната изборна комисија да ги преброи гласовите од сите избирачки места. Се прогласи за поразен со 60 отсто обработени гласови и освоени 4997 гласа.
Според досега обработените гласови во водство е Гордана Сиљановска-Давкова со 197741 глас, повеќе од двојн помалку гласови има актуелниот претседател Стево Пендаровски за кого гласале 97592 граѓани, зад него е Бујар Османи со 81.748 гласови, Арбен Таравари со 9591 гласа, Максим Димитриевски со т42296 гласа и Билјана Ванковска-Цветковска со освоени 23..472 гласа
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.