Македонија
Полицајците се унапредуваат без оглед на професионалните критериуми
Непочитувањето на прописите во сообраќајот, злоупотребата на дрога и животните скитници се главните три проблеми кои предизвикуваат загриженост кај граѓаните во однос на проблемите од јавната безбедност, покажува истражувањето за полициското работење во заедницата за 2010 година на ОБСЕ во соработка со министерството за внатрешни работи.
Се намалува процентот на граѓани кои се плашат и се загрижени од кражби, разбојништва, малолетничка деликвенција, семејно насилство и проституција.
МВР и ОБСЕ како проблем ја гледаат и професионализацијата на полицијата.
Министерката за внатрешни работи, Гордана Јанкулоска како проблем кој го покажува ова истражување го гледа тоа што кај голем број од полициските службеници постои убедување дека истите се унапредуваат без оглед на професионалните критериуми иако кај граѓаните постои зголемување на чувството за безбедност.
„Навидум двата податоци може да делуваат контрадикторно, но кога ќе го спротивставиме мислењето на граѓаните за полициското работење и мислењето на полициските службеници за својата кариера, може да се изведе и заклучок дека биле направени вистинските ротации и биле поставени вистинските луѓе на вистинските места, без разлика на негодувањето на дел од службениците. Истото може да се толкува и како несогласување на полициските службеници со новопоставените барања и критериуми, како и напуштање на стариот начин на работа. Сепак тоа не смее да не амнестира од воспоставувањето на транспарентен систем на кариера во полицијата“ рече Јанкулоска.
Амбасадорот на ОБСЕ во Македонија, Хозе Луис Хереро смета дека има подобрување на јавното мислење на полицијата, но дека овој процес оди споро.
„Има подобрување на јавното мислење за полицијата, но тука има се уште простор за понатамошна работа. Трендовите се во висока правилна насока, но сепак, тоа оди споро. Секако не сите аспекти се позитивни. Има некои проблеми кои се загрижувачки, главно за тоа како напредува професионализацијата на полицијата, процесот на регрутирање, процесот на промовирање, напредување“ рече Хереро.
Истражувањето покажува дека скоро половина од граѓаните и полициските службеници сметаат дека полицијата се однесува фер со луѓето, полицијата еднакво се однесува кон сите етнички групи и дека полицијата се однесува со почит кон сите граѓани.
Околу 38 проценти, наспроти 61 процент сметаат дека полицијата еднакво се однесува кон сите граѓани.
Половина од граѓаните се чувствуваат сигурни кога на полицијата и јавуваат за криминални случувања, голем процент на граѓаните сметаат дека полицајците обрнуваат внимание на проблемите на луѓето и дека полицијата може да даде доволно поддршка кога треба.
Речиси половина од граѓаните сметаат дека полицајците се професионални и стручни во извршувањето на нивните задачи и во нивниот изглед и однесување.
Резултатите од истражувањето во однос на 2008 година покажуваат напредок. За потребите на истражувањето анкетирани се 2.600 граѓани и 500 полициски службеници, а го спроведе агенцијата „Рејтинг“. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Знам некои од другата страна што имаат многу причини за страв од ветинг
Претседателскиот кандидат Стево Пендаровски вчеравечер од Кочани одговори зошто не е доцна во државата да се спроведе ветинг.
„2016 јас бев дел од тие кандидати за пратеници тогаш тоа го ветувавме. Добивме инструкција од Брисел дека заради негативните искуства во соседна Албанија, каде многу малку судии и обвинители го поминале тој тест, ветинг е проверка на имотната состојба, преведено на народски, дали си живеел во мандатот само од плата или си крадел и од други места. Значи, дали си чесен. Ги послушавме и дојдовме до 2% доверба во правосудството“, рече Пендаровски.
Во оваа насока тој истакна дека не само оваа политичка структура, туку дека после изборите сите треба да се заложат да се спроведе ветинг на судиите и на обвинителите, но и на политичарите.
„Значи не можеме ние целата вина да ја ставаме на судии и обвинителите, а самите да се амнестираме од тоа. Прво да се тргне од претседателот, од премиерот, од неговите роднини, пријатели, колеги, блиски, подалечни роднини, да не случајно си префрлил имот на друго име, само така ќе знаеме кој е човек со образ, кој суди по Устав и по закон. Сè друго е лажење на народот“, подвлече Пендаровски.
Потребно е да го спроведеме ветингот, за како што рече тој, граѓаните да не се сомневаат дали судиите и обвинителите работат согласно со законите или како што ќе им наложи некој друг.
„Да нема генерална перцепција во народот дека за 10 ќебапчиња или за 50 денари украдени на наплатна рампа одиш во затвор, а за милијарди украдени си живееш лагодно по не знам кој светски даночен рај. За да го избегнеме тоа, јас сум за ветинг или проверка на имотот на секој од нас и не само последните пет години. Ајде да тераме од 1990. Зошто да не? Јас немам од што да се плашам. Меѓутоа, знам некои од другата страна што имаат многу причини за страв“, заклучи Пендаровски.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.