Македонија
Милошоски за Скај: Ниту Македонија ниту Грција не профитираат од спорот со името
Ниту Грција, ниту Македонија не профитираат од спорот со името, вели шефот на македонската дипломатија Антонио Милошоски во интервју за грчката Телевизија СКАЈ.„Македонија не профитира, бидејќи, наместо најблискиот сосед да и биде најголем поддржувач за европска интеграција, се соочуваме со пречки. Грција не профитира бидејќи наместо да преземе посериозна и пореална одговорност за регионалниот развој, за безбедноста и за европска интеграција на регионот, ја плаќа цената со негативен имиџ во европското семејство, за фати за неразбирлив проблем со соседот“, вели Милошоски. Промоцијата на идентитетот од македонска страна, според Милошоски е последица на грчкиот притисок и негирање на правото на самоопределување.„Нашите изјави, или нашата желба да се промовира националниот идентитет,во поголема мера, може да бидат сфатени како последица, или реакција на тој притисок или обичај на негирање на правото за самоопределување“, вели Милошоски за СКАЈ. Шефот на македонската дипломатија во интервјуто за грчката телевизија го посочува и фактот дека 129 земји од светот ја признаваат Македонија под уставното име.„Сложено име во кое фигурира зборот македонија не е нешто ново во грчката политика.постои уште од 1995-та година. Да разговараме за проблемот, но да бидеме малку пореалистични за спектарот на употреба на евентуалното решение или компромис и да земеме во предвид дека во изминатите 20 години 129 земји од светот, членки на ОН, ја признаа мојата земја како Република Македонија“, вели Милошоски.Тој смета дека во 1999-та и 2000-та година Македонија и Грција биле најблиску до решение, но таа шанса, според него, била пропуштена. /крај/skaitv/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.