Македонија
Аеродром нуди локации за градба
Општина Аеродром во соработка со Сојузот на стопански комори денеска на потенцијалните инвеститори им ги презентираше можностите за инвестирање во општината што ги нудат деталните урбанистички планови (ДУП)
Преку 3Д презентација наречена „Вистинско место за вашите инвестиции“, градоначалникот Ивица Коневски понуди неколку слободни локации на кои според Деталниот план се предвидува изградба на резиденцијални објекти, станбени згради, висококатници, основни и средни училишта, градинки, болница, деловни комплекси.На локацијата „Бисер АРМ“ предвидена е изградба на четири резиденциски објекти, што според Коневски ја зголемува атрактивноста на општината, а кај амбасадите веќе постои голем интерес. На оваа локација исто така е предвидена изградба и на една болница и 15 станбени згради.Во „Индустриската зона“ на улицата „“ 3 –та Македонска бригада“ предвидена е изградба на 15 згради и мали комерцијални објекти.Коневски очекува наскоро да се реши сопственоста на земјиштето на локацијата кај воените бараки позади Тобако 2, каде според ДУП –от се предвидува изградба на 46 станбени згради.Во населбата Ново Лисиче во близина на поштата предвидена е изградба на 13 згради и едно основно училиште, а на крајот на оваа населба во планот се предвидени 29 семејни згради и 2 комерцијални објекти и едно средно училиште. Според Коневски интересот за семејни згради за овој дел од општината е особено голем кај инвеститорите, веќе е започната изградбата на 14 згради, а останатите 15 ќе се градат во следнава година.Коневски вели дека откако ќе се донесе ДУП –от за Горно Лисиче во овој дел кое е продолжение на населбата Ново Лисиче се очекува изградба на шест семејни згради.На територијата на општина Аеродром во план е изградба и на хотел, аква парк, спортска сала, фудбалски игралишта, плоштад за кои земјиштето веќе е продадено на инвеститори и се очекува овие објекти да бидат завршени до крајот на 2012 година.Градоначалникот Коневски на денешната презентација истакна дека со овој проект за презентација на можностите за инвестиција се очекува да се постигне бенефит и за општината и за бизнисот на потенцијалните инвеститори, а планирана е изградба на современи градби кои ќе ја направат општината најпосетена.Според претседателот на Сојузот на стопански комори Златко Калеников, презентацијата претставува можност, да се видат сите места за инвестиции, а воедно и да се укаже на пропустите во организираното инвестирање.„Голем проблем кај нас е што нема соработка меѓу партиите и затоа еден наш прекрасен проект за организирано инвестирање заглави во локалната самоуправа, во општините на едни од опозициските партии – додаде Калеников.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонски концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.