Македонија
За навреда и клевета се тужат 170 новинари
Во извештајот на Европската комисија за напредокот на Македонија за 2010 година има многу забелешки за судството и медиумите, а анкетите покажуваат дека граѓаните немаат доверба ниту во судиите, ниту во новинарите
Ова се двете заеднички работи на судството и медиумите, но соработката меѓу двете страни сè уште е на многу ниско ниво. Судиите и новинарите денеска на заедничка маса се обидоа да ги решат проблемите меѓу нив.Почетниот впечаток и на двете страни беше недоволната соработка меѓу судиите и медиумите. Судиите бараат состојбите во судството да се прикажат пообјективно и пореално, а новинарите поголема отвореност на судовите и решавање на прашањето со тужбите против новинарите за навреда и клевета. Според претседателот на ЗНМ, Насер Селмани 170 новинари се тужат за навреда и клевета.„Нашата соработка треба да се заснова врз проценката која заеднички ќе ја направиме на почитувањето на слободата на говорот, а посебно колку судовите го почитуваат законот за слободен пристап. Во извештајот на ЕК за Македонија за 2010 година има доста забелешки за судството и медиумите и тука сме на исто рамниште и верувам дека ќе соработуваме во интерес на надминување на овие проблеми. На некој начин имаме заеднички интерес да ги поправаме состојбите, а истовремено да го обелиме образот на нашата татковина. Ние како ЗНМ сме многу заинтересирани да го поставиме прашањето на постапувањето на судовите по однос на тужбите за клевета и навреда. Заедно да направиме анализа колку нашите закони содејствуваат со обврските што Македонија ги има преземено во однос на европската конвенција за човекови права, универзалната декларација на ОН и други меѓународни документи. Неопходно ќе биде да направиме анализа колку овие наши закони, а пред се кривичниот законик, ги исполнуваат овие стандарди. Ќе ја побарам поддршката на судиите заеднички да ги детектираме тие слабости и евентуално во иднина да иницираме измени на кривичниот законик“ изјави претседателот на ЗНМ, Насер Селмани.Претседателот на Здружението на судии Николчо Николовски истакна дека освен право на информирање, новинарите треба да имаат и обврска за правилно информирање.„Секој новинар кој што пристапува во разговор или коментар на судска одлука или за судството или во било кој контекст го коментира судството и судската фела, мора да биде компетентен за тоа. Значи мора да го познава правото за да може во врска со правото да дава изјави или да дава свои коментари. Секое нестручно коментирање или коментирање од ракав и за дневно политички или уредувачки потреби, може да доведе до искривување, значи погрешно интерпретирање на информациите во јавноста“ вели Николовски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ
Министерството за образование и наука (МОН) ги известило училиштата дека неработните денови на одржување на изборите, ќе се одработат во две саботи, односно на 18 мај и 1 јуни, објави претседателот на Самостојниот синдикат за образование и култура (СОНК), Јаким Неделков.
Во дописот што го објави Неделков стои дека причината е за да се исполни одредбата од Законот со кој учебната година остварува во 180 наставни дена, а притоа да не се продолжи учебната година.
МОН, покрај тоа, ги задолжува основните училишта во Град Скопје на 15 јуни да ги одработат и пропуштените часови од 30 ноември лани, кој беше неработен ден поради одржување на Министерскиот совет на ОБСЕ.
Неделков побара од министерот Јетон Шаќири веднаш да го повлече известувањето до училиштата.
„Од кога неработните денови преку ноќ стануваат работни? Министерот за образование веднаш да го повлече известувањето до училиштата со кое се задолжуваат да ги одработат ‘неработните’ денови, прогласени од Владата заради одржување на претстојните избори! Впрочем, и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година“, напиша Неделков на Фејсбук.
Владата претходно ги прогласи за неработни за сите граѓани деновите на одржување на изборите, 24 април и 8 мај.
Македонија
Пендаровски: Знам некои од другата страна што имаат многу причини за страв од ветинг
Претседателскиот кандидат Стево Пендаровски вчеравечер од Кочани одговори зошто не е доцна во државата да се спроведе ветинг.
„2016 јас бев дел од тие кандидати за пратеници тогаш тоа го ветувавме. Добивме инструкција од Брисел дека заради негативните искуства во соседна Албанија, каде многу малку судии и обвинители го поминале тој тест, ветинг е проверка на имотната состојба, преведено на народски, дали си живеел во мандатот само од плата или си крадел и од други места. Значи, дали си чесен. Ги послушавме и дојдовме до 2% доверба во правосудството“, рече Пендаровски.
Во оваа насока тој истакна дека не само оваа политичка структура, туку дека после изборите сите треба да се заложат да се спроведе ветинг на судиите и на обвинителите, но и на политичарите.
„Значи не можеме ние целата вина да ја ставаме на судии и обвинителите, а самите да се амнестираме од тоа. Прво да се тргне од претседателот, од премиерот, од неговите роднини, пријатели, колеги, блиски, подалечни роднини, да не случајно си префрлил имот на друго име, само така ќе знаеме кој е човек со образ, кој суди по Устав и по закон. Сè друго е лажење на народот“, подвлече Пендаровски.
Потребно е да го спроведеме ветингот, за како што рече тој, граѓаните да не се сомневаат дали судиите и обвинителите работат согласно со законите или како што ќе им наложи некој друг.
„Да нема генерална перцепција во народот дека за 10 ќебапчиња или за 50 денари украдени на наплатна рампа одиш во затвор, а за милијарди украдени си живееш лагодно по не знам кој светски даночен рај. За да го избегнеме тоа, јас сум за ветинг или проверка на имотот на секој од нас и не само последните пет години. Ајде да тераме од 1990. Зошто да не? Јас немам од што да се плашам. Меѓутоа, знам некои од другата страна што имаат многу причини за страв“, заклучи Пендаровски.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.