Македонија
Димовски: Политиката да остане настрана од тутунопроизводителите
Политиката да остане настрана од тутунопроизводителите, затоа што носи само штета, порача министерот за земјоделство Љупчо Димовски.„Државата не го откупува тутунот, но ќе ги превземе сите неопходни мерки за да го спречи понатамошното девалвирање на трудот на тутунопроизводителите. Ова треба да им биде јасно на оние кои ги заведуваат тутунопроизводителите и си поигруваат со нивниот труд, спречувајќи ги да го предадат тутунот и да го остварат правото на субвенции“ – рече Димовски на денешната прес конференција.Димовски истакна дека евидентирани групи насилници ги заплашуваат и спречуваат тутунопрозведувачите да го предадат тутунот во откупните пункотови „Апелирам да престанат блокадите на улиците, железничките колосеци и на граничните премини, да престанат инцидентите на откупните пунктови, да престанат убедувањата на тутунарите да не се носи тутунот на откуп и покрај тоа што законската обврска за исплата на субвенциите претставува токму неговото предавање“ – рече Димовски.Според него повисоката откупна цена ќе се измери на самите ваги во присуство на поверениците и легалните претставници на тутунарите и инспекторите од Државниот инспекторат за земјоделство.Димовски потсети на бесплатната телефонска линија на Министерството за земјоделство 0800 11 000 која е отворена за пријавување на сите неправилности и забелешки. Според статистичките податоци најниската просечна откупна цена на тутунот е евидентирана во 2003 година кога килограм се откупувал за 78 денари, без какви било субвенции, а во 2005 година откупната цена изнесувала 125 денари со субвенции од 15 денари од килограм.Од тутунопроизводството денеска егзистираат над 35 илјади семејства, односно околу 200 илјади лица„Државата придава големо значење на тутунопроизводството, бидејќи претставува една од најзначајните агроиндустриски култури со учество од 43 проценти во вкупниот агроизвоз со над 80 милиони долари девизен прилив“- додаде Димовски. крај/ к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.