Македонија
Неделковска: Неетичко и непрофесионално однесување на адвокатите од „Пајажина“
Неетичка и непрофесионална е вчерашната реакција на адвокатите на 14-те обвинети во случајот „Пајажина“, реагира претседателката на Основниот суд 1, Лидија Неделковска
Според неа, не е етички да зборуваат и да откриваат детали од доказите што се добиени со посебни истражни мерки, затоа што како што појаснува Лидија Неделковска тоа се класифицирани информации и со изнесувањето на вакви информации адвокатите го прекршуваат Законот за класифицирани информации.Како што вели Неделковска вакви докази има уште и допрва ќе им бидат презентирани на обвинетите.Во четвртокот адвокатите на притворените во „Пајажина“ реагираа за тоа што на обвинетите им биле прикажувани снимки од приватниот живот.„Имавме прилика да видиме снимки коишто од правен аспект се многу проблематични. Мислам дека правата оценка може да се даде за нивниот квалитет по гледањето на целиот материјал. Но паѓа во очи фактот што на денешното рочиште не беше присутен јавниот обвинител за да ни појасни на пример во каква врска се некои лични приватни работи на притворените со даночно затајување перење пари. На пример имаше снимки кога се оди на тенис, кога се оди на риболов, кога се оди на лов , кога се оди на лекар”, појасни адвокатот Стеван Павлески што видел на снимките.И адвокатот на Велија Рамковски, Мирослав Вујиќ, зачуден од снимките. Тој рече дека и самиот бил снимен и се видел како пие кафе со правниот застапник на А1 телевизија и Емел Рамковска, ќерката на Велија.„Постојат наводно и транскрипти од телефонски разговори. Доколку остане ова што е дадено сите треба да се замислиме каде живееме и кој е тој што треба да го спроведува законот. За што се користат посебните истражни мерки некој треба добро да размисли. Ова не може да бидат докази за финансиски материјал. Валиден доказ би било само вештачење кое и го бараме”, изјави Вујиќ.Пет часа во Основниот суд 1 во Скопје во судница беа притворените од случајот „Пајажина“. Рамковски и неговите роднини и соработници придружувани од нивните бранители, со истражниот судија гледаа цедиња на кои биле снимени од полицијата. Тоа е дел од доказниот материјал на Обвинителството. Видео материјалите биле снимани 4 месеци. Во судницата не се појавила обвинителката за која судијата појаснил дека има уредна покана, но не знае и нема оправдување зошто не дошла
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.