Македонија
Хаос во УКИМ, предлогот на Тодоров ги подели професорите
Професорите за в четврток закажаа протести против предлогот за измени на Законот за високо образование на Тодоров, на што одредени студенти најавија контра протести за поддршка на министерот
Професорите тврдат дека Ректорот го поддржал протестот, но подоцна, како што велат, „поради политички притисоци се повлекол и се оградил од него“.Иницијативниот одбор на Универзитетот „Свети Кирил и Методиј“ (УКИМ) вчера ги повика сите професори на протести против најавите за измени во законот за високото образование, и од таму известија дека протестите ќе се одржат утре, и дека тие ја имаат поддршката на Ректорот на УКИМ за одржување на протестите.Ректорскиот колегиум на универзитетот „Св. Кирил и Методиј“, со соопштение пак, ги негираше информациите дека го поддржуваат организирањето на протестите и наведуваат дека дејствувањето треба да се задржи „низ легитимните органи на Универзитетот“. Истовремено, група студенти најавуваат контра протести на професорите.„Тоа се глупости. Ќе има протести. Нас ректорот вчера не поддржа, а потоа се повлече најверојатно поради политичките притисоци. Ние имаме закажано мирен протест и тоа е наше уставно право, протестот е пријавен во полиција, а тие студенти кои закажале контрапротест, нивниот е противуставен. Знаете тие студенти кои се и зошто се таму, тоа се политички марионети, и ова веќе е скандал“, рече за „Макфакс“ универзитетскиот професор Гордан Калајџиев, кој додаде дека протестите ќе се одржат пред платото на скопскиот универзитет во 13:30 часот.Неколкупати се обидовме да стапиме во контакт со Ректорот на УКИМ, Велимир Стојковски, но тој засега не е достапен за коментар.Министерот за образование и наука, Никола Тодоров денеска изјави дека нема да протестираат сите професори, туку само дел од нив.„Тоа се истите оние професори кои беа многу гласни или најгласни за грешките во учебниците, истите професори кои се бунеа против намалувањето на партиципацијата, истите се тие кои сега негодуваат за измените во законот и ги дефинираат како измени кои ја нарушуваат автономијата. Затоа апелирам до професорите за кои во најголем дел мислам дека се квалитетни и лесно може да ги исполнат овие критериуми кои ги предвидуваме да не подлегнуваат и да не паѓаат во стапицата на остварување на личните политички амбиции на една мала група на професори“, рече Тодоров и додаде дека тој разговарал со Ректорот на УКИМ, Велимир Стојковски и забележал дека протестите биле организирани од група професори кои поради лични политички амбиции се обидуваат да направат политичко прашање од предложените измени.„Ректорот ми кажа дека воопшто не стои зад овие протести затоа што ние имаме легитимен разговор за се она што се однесува на измените на законот за високо образование“, рече Тодоров кој негираше дека им испраќа контра протести на професорите.Ректорска управа на УКИМ за 31 овој месец закажа нова седницата каде ќе се претседава за разгледување на новата верзија на предлог законот за високо образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери