Македонија
Караџоски: Ме мести некој од Македонски шуми- тужба за Селами
Директорот на Македонски шуми Жарко Караџоски ќе поднесе тужба против претседателот на Државната комисија за спречување на корупцијата, Илми Селами за клевета.
Тој вели дека го местел некој од јавното претпријатие „Македонски шуми“.
„Да се изнесуваат клевети и да се изнесуваат невистини е преголема одговорност за една ваква институција. Со оглед на тоа што јас не сум обичен човек, сепак станува збор за една политичка фигура, осум години бев пратеник, ова јасно укажува дека некој сака да ме деградира како личност и уште повеќе сака да им наштети на мојата чест и углед. Јас немам друг начин освен сето ова да го докажам на суд, поточно да го повикам Селами тоа што го тврди да го докаже на суд и за сето ова ќе се гледаме на суд кога ќе ја поднесам тужбата за клевета“ рече Караџоски.
Тој се сомнева дека го мести некој од јавното претпријатие, бидејќи бил прв директор кој го прекинал незаконското работење на многумина.
„Ме мести некој овде во јавното претпријатие. Тоа можам најодговорно да го кажам, не можам да речам ВМРО или СДСМ, немам докази, не знам кој е човекот, но ме местат оние на кои што им влегов на некој начин во еснафот и им прекинав голем дел од незаконското работење во ова претпријатие. На многумина им ги скратив задоволствата и јас сум првиот директор на претпријатие кој што има и казнето и избркано од работа и суспендирано. Најверојатно не сум поскапуван бидејќи држам до дисциплина и работам чесно“ вели Караџоски.
Тој ги отфрла наводите на ДКСК дека потрошил околу 11.500 евра за ручеци и вечери и направи споредба со претходните години, колку пари тогаш биле потрошени за вакви потреби.
Според него во споредба со минатите години почнувајќи од 2008 година бил потрошени многу помалку пари за услуги во споредба со минатата година. Според него, за 2010 година не биле потрошени 11.500 евра за угостителски услуги, туку 10.000 евра.
„Во исто време напоменувам дека приходите на јавното претпријатие во трите овие години се движи околу 2 милијарди денари. За да се каже дали некој е домаќин или недомаќин во работењето, не може да се каже врз основа на само една ставка од расходите, која што не учествува ниту со еден отсто во рамките на вкупните приходи. Би било за критика доколку претпријатието работи со загуби, доколку не ги подмирува обврските кон државата, не дава плати, доколку не ги подмирува обврските кон добавувачите“ вели Краџоски.
Тој вели дека антикорупциската комисија требало да направи анализа на документацијата во претпријатието и само врз основа на докази да изнесува вакви наводи.
„Ова требало да го направи антикорупциската комисија, а за ова да го направи не им тежеше ниту на членовите на ДКСК да направат увид, а не да ги базираат своите информации врз основа на една претставка“ вели Караџоски.
Тој тврди дека овие фактури за угостителски услуги не се фиктивни и вели дека не биле исплаќани по шест, седум фактури на ден, туку дека се работело за книжење.
„Не станува збор за никакви фиктивни фактури, туку за реализирани реални фактури. Овие фактури не се ни платени, како може некој да испумпа пари, а притоа да не се ни платени тие фактури“ вели Караџоски. Тврди дека не земал надоместок за користење на приватно возило, како што тврди ДКСК, како и дека за потребите на претпријатието користел само службено возило.
Тој најави дека ќе биде направена ревизија, а работењето на претпријатието и овој извештај најави дека ќе го достави до ДКСК, а ќе го изнесе и пред јавноста.
Државната комисија за спречување на корупција покрена иницијатива за разрешување на директорот на „Македонски шуми“, Жарко Караџоски.
Според документацијата со која располага ДКСК, јавното претпријатие потрошило околу 11.500 евра за ручеци и вечери. За артикли за репрезентација, само во 2010 година биле потрошени околу 6.500 евра. Покрај вообичаените артикли за репрезентација биле набавени и скапи алкохолни пијалаци, најчесто виски.
Караџоски заедно со неговиот возач, Љупчо Здравески наводно примале пари како да патувале со службено возило на релација Скопје – Прилеп, иако патувале со приватно возило. За ова им биле исплатени околу 850 евра./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.