Македонија
Македонија одбележува 139 години од раѓањето на Гоце Делчев
Македонија денеска одбележува 139 години од раѓањето на Гоце Делчев, револуционер и идеолог на македонското револуционерно движење
За историчарите – Делчев се вбројува меѓу најважните личности во современата македонска историја.„Ако зборуваме за современата македонска историја, нема поголема личност од личноста на Гоце Делчев. Мислам дека и пошироко е познато и тоа постојано треба да се афирмира. Тој е водечка личност на македонската револуционерна организација. Без Гоце Делчев, она што тој го подготви, не ќе го имавме Илинденското Востание, а тоа е темелот на македонската државност. По првиот, дојде и вториот Илинден за реализирање на Илинденските идеали на македонскиот народ за самостојна и независна држава Македонија, тоа што ние денес го имаме“, изјави Михајло Миновски.Во рамки на денешното чествување, висока владина делегација, составена од премиерот Никола Груевски, вицепремиерите Васко Наумовски и Адбулаќим Адеми и министерот за внатрешни работи, Гордана Јанкуловска, се поклонија пред гробот на Делчев во црквата „св. Спас“ во Скопје. Почит за Делчев оддадоа претставници на кабинетот на Претседателот на Републиката, собраниска делегација, армиски претставници, на локалната самоуправа, преставници на политичките партии, како и делегации на македонски организации од странство. Според историчарот Миновски, на чествувањата како денешните треба да присуствува една, државна делегација која на најсоодветно ниво ќе го изрази значењето на Делчев.„Треба да има една државна делегација, со што ќе му се даде поголемо значење, без делегации на политички партии, па како што почнавме од општински комитети, потоа ќе дојде некој од месните заедници. Според тоа, треба да се цени големината на празникот и во таа смисла да биде организирано овој празник да обединува така како што Гоце Делчев го обединуваше македонскиот народ во борбата за ослободување и државност“, рече Миновски.Одбележување на годишнината од раѓањето на Делчев е предвидено и пред неговите споменици на централниот плоштад во Скопје и во градскиот парк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.
Сервисни информации
Променливо облачно со повремени врнежи од дожд, а на планините повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)