Македонија
Управниот инспекторатот месечно обработува и по 50 претставки од граѓаните
Државниот управен инспекторат просечно обработува од 42 до 50 претставки месечно поднесени од граѓани кои се пожалиле на работата на некој државен орган.
Со цел зголемување на транспарентноста на државните институции, Државниот управен инспекторат заедно со Министерството за информатичко општество и администрација како и Британската амбасада во Република Македонија го промовираа прирачникот и започнаа со обука на јавни службеници за примена на Законот за постапување по претставки и предлози.
„Во зависност од содржината на претставката и од предметот на кој таа се однесува, Државниот управен инспекторат поведува постапка. Таа постапка може да се состои во тоа што едноставно се обраќаме до органот кој затаил да одговори на барањето на одредена странка, односно не го решил барањето во предвидениот рок или пак во определни случаи поведуваме постапка, односно вршиме вонреден инспекциски надзор. Врз основа на наодите утврдени во записникот од извршениот инспекциски надзор, донесуваме конкретно решение со кое го задолжуваме надлежниот орган да постапи согласно законските прописи“ изјави Деребан.
Обуките претставуваат дел од проектот за зголемување на транспарентноста и одговорноста на државните институции, финансиран од Британската амбасада во Македонија.
„Пресреќен сум заради тоа што овој проект ќе им помогне и на државните службеници и на државните институции подобро да го објаснат Законот за постапување по жалби и претставки и да им го објаснат подобро на граѓаните, но и самите граѓани да имаат јасна информација кои се нивните можности, кои се инструментите коишто можат да ги искористат според овој закон, исто така да ја увидат транспарентноста и отвореноста на целиот процес“ вели Ивон.
Основна цел на прирачникот за спроведување на Законот за постапување по претставки и предлози е да им помогне на институциите во Македонија ажурно и ефикасно да постапуваат по претставките што се поднесени до нив од граѓаните.
„Во рамките на проектот е планирано до 15 март 2011 да бидат одржани девет обуки во кои ќе бидат опфатени 450 службеници кои се овластени од државните институции да постапуваат по претставки и предлози. Обуките ќе бидат фокусирани на новините на законот, целите и вредностите што се постигнуват со неговата примена за подигање на степенот на доброто управување и приближување на јавната администрација до граѓаните“ рече министерот Ивановски./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николовски: Пензискиот фонд повторно е стабилен, а пензиите растат
Преку одговорни политики и посветена работа, пензискиот фонд денес повторно е стабилен, а пензиите за пензионерите растат. Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.
„Донесовме економска стабилност за пензионерите. Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.
Постигнатите резултати до сега, се нашиот гарант дека дадениот збор повторно ќе го исполниме, додаде тој.
„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.
„Го јакнеме животниот стандард на пензионерите. Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.
„Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица. Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски.
Македонија
Пендаровски: На 8 мај двојна победа за сите нас и за Македонија
Претседателскиот кандидат Стево Пендаровски денеска беше меѓу жителите на општината Чучер-Сандево.
Заблагодарувајќи им се што одлучиле попладнето да го поминат со него, Пендаровски рече дека на 8 мај е загарантирана двојната победа.
„100% победуваме. На 8 мај ќе славиме за двојната победа за сите нас и за Македонија“, истакна Пендаровски.
Говорејќи за досегашната работа на актуелната политичка гарнитура, Пендаровски го истакна членството во НАТО, како најголема организација која ја гарантира безбедноста и стабилноста на сите членки без исклучок.
„Без пријатели, мала земја како нашата, тешко може да опстане“ потенцираше Пендаровски.
Тој ги повика граѓаните на Чучер-Сандево масовно да излезат на гласање на 24 април, да заокружат број 1 и да добијат гаранција за подобра иднина на нивните деца и на нивните внуци.
Македонија
(Видео) Димитриеска Кочоска: Платформа 1198 значи повисок животен стандард, раст на БДП од 5% на среден рок, повеќе пари за малите и средни бизниси, повисоки пензии
„Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси. Ако немаме економија, тогаш не можеме да очекуваме развој во ниту еден сегмент“, рече Гордана Димитриеска Кочоска, кандидат за пратеник во изборна единица 1.
„Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.
И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.
Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.
Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.
Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша“, изјави Гордана Димитриеска Кочоска, кандидат за пратеник во изборна единица 1.