Македонија
ВМРО-НП најостро ги осуди настаните на скопско Кале
„ВМРО-Народна партија, најостро ги осудува вчерашните настани, кадешто на највандалски начин, од страна на неартикулирана група, предводена од високи владини функционери, членови на ДУИ, беше спречена изградбата на црквата – музеј на Скопското Кале“, се наведува во писмената реакција на ВМРО-НП.
Тие велат дека се изненадени од, како што стои во реакцијата, игнорантскиот однос на ВМРО-ДПМНЕ, по однос на овој вандалски чин од страна на нивниот братски владин партнер.
„Едноставно вчерашниот настан и молчењето на надлежните институции, за ВМРО-Народна партија претставува единствено начин како да се влошат меѓунационалните односи, а истовремено и братските владини односи во пресрет на предвремените парламентарни избори“, се додава во реакцијата на партијата.
Тие прашуваат во која функција беа полицајците, кои беа видени на ТВ снимките, дали во функција на спречувачи на толпата или во функција на поддржувачи и стимулатори на истата таа толпа?
„Го повикуваме јавното Обвинителство да превземе соодветни мерки по службена должност, бидејќи целата македонска јавност беше сведок на уништување на државен имот од неколку десетици партиски активисти“, велат од ВМРО-НП.
Според партијата доколку изостане реакција од официјалните државни органи се констатира дека работи за како што велат евтина режија за смислено сценарио на владејачките партнери, се со цел да го зголемат нивниот рејтинг кај сопствениот електорат. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ: Мицкоски сака враќање на државата пред 2001 година, Македонија без Албанци
Мицкоски и ВМРО јавно бараат Македонија без Албанци. Тој дури отворено ги повикува сите Македонци да се обединат против Али Ахмети и ДУИ, се вели во партиското соопштение од ДУИ.
– Мицковски на митингот во Кратово побара обединување на сите Македонци за Албанците да не добијат ниту еден пратеник во третата изборна зона. Вокабуларот на Мицкоски не е само против Договорот од Преспа и Договорот за добрососедство со Бугарија, туку и против Охридскиот рамковен договор, барајќи конкретно враќање на државата пред 23 години, се вели во соопштението.
Во соопштението се додава дека „ДУИ и Европскиот фронт изразуваат длабока загриженост за националистичкиот и антиевропскиот речник на ВРМО, кој чувствувајќи го поразот на 24 април и 8 мај, поттикнува меѓуетничка и антиевропска омраза во Северна Македонија“.
Исто така, тие ја повикаа албанската опозиција „да се вразуми и да не стане алатка на руската агенда што ја прокламира ВМРО и нивните гласноговорници“.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.