Македонија
Отворено писмо на Вељаноски до опозициските лидери
Пропадна и денешниот обид на собранискиот спикер Трајко Вељаноски на координациска средба да се надминат разликите меѓу опозицијата и владејачкото мнозинство
Спикерот Трајко Вељановски не се откажува, тој упати отворено писмо до лидерите на опозициските партии кои ја бојкотираат работата на законодавниот дом, вклучително и ДПА со кое ги повика повторно на средба, но овој пат во поширок состав.„Упатив отворено писмо до лидерот на СДСМ, Бранко Црвенковски и до лидерите на политичките партии од опозицијата кои што се застапени во Собранието и кои што ја бојкотираат работата. Во отвореното писмо укажав хронолошки на сите активности и мерки кои што се преземени од моја страна, од лидерската средба до денеска се со единствена цел за градење на заедничка доверба и дијалог внатре во Собранието. За таа цел повикав одржување на една заедничка средба на која што би ги решиле сите заеднички прашања кои од страна на политичките партии кои ја бојкотираат работата на Собранието, се истакнати како проблеми“, изјави Вељаноски.Тој смета дека поканата ќе биде прифатена и откако ќе добие одговор вели ќе го одреди датумот за средбата.На денешната координација и без присуство на опозицијата било разговарано за иницијативата за уставни измени.Вељаноски информираше ДУИ се согласиле дека има потреба да се направи интервенција во Уставот во делот на судството и Државниот завод за ревизија и оти ќе ги гласаат овие предлози, но дека ќе достават и нивни барања.„Во однос на уставните измени, договорено е темпото за уставните измени во прва фаза и мислам дека на седницата за 21-ви месецов со тоа што е договорено измените ќе бидат прифатени“, рече Вељаноски.Вељаноски посочи и дека седницата за пратенички прашања, мора да ја закаже и без присуство на опозицијата, бидејќи како што вели таа обврска произлегува од Деловникот. Седницата за пратенички прашања е закажана за 24 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.