Македонија
„Економист“ за Македонија: Скандал, тензија и турбуленција
„Кавгаџиска политика во Македонија – Скандал, тензија и турбуленција“ е насловот на анализата на лондонски “Економист“ (The Economist) посветена на политичката ситуација во Македонија
“Сакате избори? Добро. Од минатиот месец македонската опозиција, Социјал Демократите, кои го бојкотираат Парламентот, бара предвремени избори. Па замислете го изненадувањето кога Никола Груевски, премиерот – популист се согласи. Неговата математика е едноставна: тој ќе победи. Социјал Демократите излегоа од колосек. Условите не се добри за предвремени избори, одеднаш обвинуваат тие и бараат да нема избори пред јуни”, се вели во воведот на анализата на “Економист“.Според британскиот неделник, политиката во Македонија станала мрачна по влезот на полицијата во А1 телевизија. Економист пренесува дека можна причина за тоа се тврдењата дека новинарите биле плаќани во кеш, но го пренесува и ставот на антикорупционерот Слаѓана Тасева, според која, неплаќањето данок е секојдневие а изборот да се гони токму Рамковски е доказ за поттиснување на независните медиуми.Економист, коментирајќи го моменталниот рејтинг на политичките партии, коментира:“Македонските анкети се неверодостојни, но тие сугерираат дека Груевски е многу попопуларен од Црвенковски, неговиот опозициски противник. Невработеноста е висока, а спорот за името со Грција нерешен, што е причина за блокада на интеграцијата на Македонија во НАТО и ЕУ. Би можело да се очекува овие проблеми да одат во прилог на опозицијата. Но Црвенковски беше премиер два пати и претседател еднаш. Не можеше да ги реши тогаш, а денес изгледа уморен”.Во анализата не се одминати ниту последните случувања, поврзани со изградбата на црквата-музеј на скопското „Кале“.“Тензиите меѓу етничките групи во Македонија пламнаа поради градењето на музејот во форма на црква на старата тврдина во Скопје, за што Албанците не се среќни. Владата вети дека ќе ја сопре изградбата. Работниците се прикрадоа ноќе за да работат, а Албанците за да ја срушат. Десет години откако герилците на Ахмети за малку не ја воведоа земјата во војна, никој не сака обновување на конфликтот. Но проблемите нема сами да си заминат”, се вели во анализата на „Економист“ за моменталната ситуација во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови засилен западен ветер. Минималната температура ќе биде во интервал од 3 до 9, а максималната ќе достигне од 13 до 19 степени.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер. Минималната температура ќе се спушти до 6, а максималната ќе достигне до 15 степени.
До почетокот на следната седмица времето ќе биде променливо облачно и посвежо, наместа со повремени врнежи од дожд. Во петок пообилни врнежи се очекуваат во јужните делови, а во недела на повеќе места. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.